Kjell Tore scribeva inter alteres:

>Iste tempore es multo dur si on es un norvegiano proque nunc le Jocos
>Olympic occurre. In mi pais iste competition sportivo es un evenemento
>quasi religioso. Le TV e le radio invia horas e horas de iste competition
>idiotic e multe gente pasa le nocte ante del TV e comencia lor labor multo
>fatigate in le matina, ma iste, claro, es un cosa voluntari e non afecta
>illes que non se interesse de iste jocos.

Mi prime pensata era que Kjell T deberea viver in Svedia. Nihil va ben pro
nos in le Jocos Olympic a Nagano. Sed post un certe reflexion io veni al
conclusion que isto non le adjutarea. Le facto es que quasi toto va mal pro
"nos". Le equipa svedese de ski era quasi toto in influenza. Le sol qui
faceva alque util era Antonina Ordina, russa qui concurre pro Svedia!

Gente etiam ci in Svedia sede in le nocte e reguarda le competitiones. Sed
isto debe plus tosto esser un acto de masochismo!

Nunc al theoria: Le successos sportive es correlate al curso del valuta. Le
coronas de Norvegia e Danmark e le marco finnese es optime que le corona
svedese. Per consequente le resultatos del skieros norvegese e le
curlingeros de Danmark es melior que le svedeses.

Felicemente io non ha un televisor, solo un computator e le rete. Pro isto
io pote viver in un stato de quietate mental. Ben que io pote ascoltar le
reportages le plus sensational al eveliar me, isto non es troppo
difficilemente supportar.

>Ma nos ha un altere consequentia sportivo qui non es tanto innocente.
>Recercas post le Jocos Olympic in Lillehammer in 1994 monstrava que multe
>gente in Norvegia post iste competition a causa del alte nivello del
>premios gagnate per le atletes norvegianos se senti plus superior al gente
>in altere paises. On pote provar que le nationalismo e le xenofobia ha
>crescite a causa del Jocos Olympic e io crede que le scopo de iste Jocos
>era le opposite!

Nostre medios ha parlate de isto. Forsan le plus spectacular cosa era le
reportero norvegese post un incontro de Norvegia e Anglaterra. Io ha
auscultate reportos sportive in altere paises e mi impression era que ille
reportos era multo chauvinistic. Probabilemente on nota plus facilemente
tal tendentias in altere paises que le proprie. Certo un norvegese pensa
que reporteros svedese es plus chauvinistic que le norvegeses, o que?

>Ma il non serea multo popular de scriber iste publicamente in Norvegia
>proque quasi omnes del primerministro norvegiano al prisonieros in mi pais
>es ardente fan sportivos.

A mi aviso le premier e altere membros del Governamento de Svedia specta le
plus importante incontros de hockey e football (le typo europee)., e
personas publicamente cognoscite demonstra su affiliation a iste o ille
club de football in Stockholm e Göteborg!

Si io me non equivoca il era le scriptor svedese Ivar Lo-Johansson qui
scribeva un libro concernente le periculos del sport! Isto faceva in su
tempore un grande scandalo. Del altere latere il habeva un moda que omne le
juvene scriptores del 70 e 80 practicava le pugilismo (le boxing).

Personalmente io es multo fascinate del cursas, de ski, pattina, "a pede"
etc. Alcun annos retro io era in Stockholm al mesme tempore que le
arrangiamento Stockholm Marathon. In isto il ha e elito e "normales". Io
videva le 500-esimes currer, e quasi perdeva le respiration! Ille humanos
habeva currite jam le medietate del distantia e ancora habeva un tempo qui
IO poterea tener solmente alcun metros. Multo impressionante!

In svedia on audi sovente:
Nostre equipa de hockey sur glacie ha perdite.
O: Nos ha ganiate!

Sportivemente

Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden