Le vaticano es a considerar a Sto. Isidoro
como patron sancte de cyberspatio

Citate Vatican (Reuters) - Papa Johan
Paulo es a considerar le nomination
de Sto. Isidoro de Sevilla como patron
sancte del Internautas e le programmatores
de computator, informantes vatican diceva
le martedi.

Sto. Isidoro esseva nominate duo annos
retro mais le Sancte Sede ancora non
ha arrivate a un decision final.

Sto. Isidoro, qui viveva in le septime seculo,
es credite esser le scriptor del prime
encyclopedia in le mundo, le Etymologias,
le qual includeva entratas super medicina,
mathematica, historia e theologia.

Le Vaticano saltava inlinea primo in 1996
con su sito-web http://www.vatican.va/
le qual ha essite usate pro publicar milles
de documentos del Ecclesia Catholic e
discursos papal.

Le sito del Vaticano es servite per tres
computatores principal, nominate secun
le nomines del archangelo Michael, e
Raphael e Gabriel.

Le Papa mesme saltava al cyberspatio
in 1998 quando pro prime vice le
1 000 000 000 de Catholicos Roman
poteva audir e vider le recitar le
preces de "Angelus" le dominicas
e auscultar su audientia semanal
le mercuridis sur le sito-web del
Vaticano.