Luca,
Io spera que le gentes qui ha scribite le maldicte parolas
super le muros de tu village non es de tu village mais de foras illo.
Le ultime nocte io ha mirate un programma del canal de historia in
le television super le origines del alliantia inter Germania e Japon
ante le guerro mundial II. Le programma produceva informationes nove.
Apparentemente duo homines, un homine e su filio, esseva responsibile
pro le levation del naziismo e mesmo del alliantia inter Japon e
Germania. Isto esseva Karl Ernst Haushofer, qui esseva un officiero
in le armea german in Guerra Mundial I. Post le guerra ille esseva un
geographo, e ille ha concipite un base geopolitic pro le domination del
mundo per Germania. Ille credeva que Germania debe junger se con
Russia e Japon pro opponer le Anglaterra, Francia e le Statos Unite.
Inter 1908 e 1910 ille esseva in Japon e observava lor societate.
Secundo iste programma ille esseva multo impressionate per le societate
secrete del Dracos Nigre del japonese. Ille admirava lor dedication
al Imperator, e eventualmente influentiava le partita national socialista
in germania a formar un tal societate secrete, que deveniva le SS. Ille
habeva un Instituto del Geopolitica post le Guerra Mundial I al Universitate
de Munich. Ille formulava un theoria del superioritate del populo
aryan e del populos germanic e esseva multo influential super Hitler
e le Armea German. Ille esseva un mano nigre post le scenas qui
manipulava le partita nazi pro attinger su objectivos geopolitic.
Infortunatemente pro su planos, le odio de Hitler verso le slavos
duceva le a attaccar Russia, malgrado su aviso non a facer lo.
Su filio esseva un avisor a Rudolph Hesse, le unterfuhrer, e quando
il pareva inevitabile que Hitler attaccarea Russia, ille convinceva
Hesse a volar a Scotia in un avion pro reunir se con le dirigentes
anglese pro convincer les a formar un detante con Germania contra
Russia. Iste move esseva desperate, mais Churchill non acceptava
su offerta, e interdiceva le publicitate super isto durante que ille
imprisionava Hesse pro prevenir le idea de su offerta de devenir
public. Churchill credeva que Hitler esseva le representante del
diabolo super terra e debeva esser resistite a tote costos. Su
strategia esseva a inducer le Statos Unite a junger Anglaterra contra
Hitler, e ille non voleva subminar aquelle strategia per publicitar
le possibilitate de un alliantia con Hitler.
Haushofer recrutava un german officiero marin pensionate a mover se
a Hawaii e observar le naves in le baia de Honolulu e reportar al
ambassada japonese (parte de su effortios a crear un alliantia
inter Japon e Germania). Illo esseva iste spia qui provideva le
marina japonese con le locationes del naves e barcos in le baio
pro lor attacco del decembre 7, 1941.
Quando il deveniva clar que le attacco super Russia esseva un
disastro, como predicte, le filio de Haushofer se jungeva con
officieros in le armea in un conspiration pro occider Hitler,
que infortunatemente falleva. Ille esseva arrestate e ponite a
Dachau, ubi al fin del guerra ille esseva executate per le
ordines final de Hitler, justo dies ante que le alliatos
liberava Dachau. In le interim su patre remaneva fidel a Hitler,
e superviveva le guerra. Mais in 1946, al etate de 75 ille e su
sposa judee se occideva, illa per veneno e ille, significantemente,
per hiri-kiri, le rito de suicidio del japonese.
Stan
|
