Car amicos,

Desde le momento que io ha adherite al gruppo INTERLNG io ha
vidite le uso del pronomine "ego" in vice de "io".
Iste uso me irrita in certe maniera e non me pare justificate.

Mi rationes:

1. In le I.E.D. "ego" es in prime loco un substantivo, nam como
substantivo le parola ha supervivite in le linguas del civilisation
occidental.

2. Le pronomine personal "ego" non existe in le linguas moderne.
Illo ha evoluite a formas moderne in le linguas romance: io, yo, je....
E anque le altere pronomines personal in le linguas romance e
in Interlingua es formas moderne. Alora io senti  "ego" como
un intrusor in le belle serie, un parola que rumpe su harmonia.

Non oblida que le I.E.D. da iste "ego" inter crampas quadrate, lo que
significa que nos debe esser multo caute, si nos vole usar lo.
Si on explora omne parolas inter crampas quadrate, como ha facite
le Commission Linguistic del UMI ante 5 annos, il se monstra que
multes (non omnes!) es superflue, e in certe casos illos es mesmo
inacceptabile.

Salutes de Piet