Car Mario,
...le problema con tu accusationes multo dur (utile alsi?)
es le risco que mesmo le tues se revela solmente parolas.
Esque tu (o alteres) sape facer melio de lo que le
interlinguistas ha facite usque nunc? Si le responsa es
affirmative, isto es optime. Si tu pote haber major
tangibile successo e lo demonstra con factos, numero de
adherentes, initiativas, moneta, etc. io crede que le
consilieros e directores del actual organisationes pro
Interlingua vaderea resignar lor dimissiones con
vergonia... e dar te le merito e le plauso, ma non ante
vider factos concrete! Ancora: si alcuno sape facer melio
de nos omnes, per favor, face lo. Nos non ha alcun
interesses personal, alcun ambitiones de vider nostre
nomines publicate: lo que importa es le successo de
Interlingua. Laborar, non parlar, es le cosa importante.
Alora, Mario, *demonstra* que tu ha ration!
Con sperantia, Paolo.
Paolo Castellina,
E-Mail [log in to unmask]
http://www.castellina.org
casa: Montaccio, CH-7605 Stampa
tel. 0041,81,8221069
ufficio: Via principale, CH-7604 Borgonovo
tel. 0041,81,8221145
#ICQ 26338969
http://wwp.mirabilis.com/26338969
-----Original Message-----
From: Mario Malaguti
Sent: Fri, 9 Jul 1999 18:14:41 +0200
To: [log in to unmask]
Subject: Invitation.
Car Amicas e Amicos,
vamos modernisar un unic e simple organisation mundial pro
interlingua, sin
consilio gigantesc, con un unic governator; su carga usque
a revoco e solmente
pro tener le registro voluntari del practicantes
interlingua.
Vamos committer al editores e libreros le professiones del
editores e del
libreros in favor del libere trovar libros e revistas de
interlingua in le
mundo.
Vamos augmentar, sin tregua, le numero del practicantes
interlingua con
scriber
obras e textos ben facte.
Vamos regratiar tote le voluntarios qui usque a ora ha
administrate le
organisationes pro interlingua. Lor preciose
disponibilitate sera sempre multo
utile, ma sin cargas, sin cargas pro amor de Deo: lor
resultato ha essite un
fallimento durante cinquanta annos. Vole ben facer halto
coram le evidentia!
Pro le ben de interlingua, voluntarios qui ha essite sempre
presente, vole ben
scriber listas de nove vocabulos e basta, per favor.
Vamos liberar interlingua ab le arbitrarietate e le
presentia sempre del mesme
personas, qui face cosa?
A basso le vergonia del lista claudite!
Vamos committer interlingua al homines.
A basso presidentes, secretarios, membros de consilios e
consilios. Vos es un
harnese inutile pro interlingua.
A basso le projectos que on non realisara jammais!
Vivat le autores interlinguistic! Vivat con qualcunque
medio illes diffundera
interlingua!
Que lo volerea le celo!
Mario, libere pensator - free thinker
Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
_______________________________________________________
Get Visto! Groups, event calendars, email, and more...
Check it out @ http://www.visto.com/info
|
