Mi gratias a Julio Dobkin qui scribe in re: 50 000 svedeses ha studiate
latino classic
> Solmente 50,000? Si io memora correctemente, le population de Svedia
> es ~12 million, nonne? 50,000 seria 0.4%, plus o minus; es il
> possibile que solmente 1 in 250 svedeses ha studiate latin?

Probabilemente le svedeses es plus proxime a 8 milliones e assi le lectura
del statistica es fortemente de reconsiderar.
Mesmo Stan, reguardo al population futur del UE e del USA recurreva
recentemente al statistica, in iste caso de prevision, e io pensava de
intervenir, ma io non lo faceva. Partialmente io lo face ora.
Io jam scribeva in iste lista, per exemplo que in mi Veneto, un region de
poco plus de 4,5 milliones de habitantes, in le sol 2001, nos recipeva plus
de 50 milliones de visitatores, 53 si io non rememora mal.
Plus de 10 visitatores pro cata un veneto, isto dicerea le statistica. E con
isto, per exemplo, reguardo al recente question del numero del linguas que
es practicate per le citatonos de Europa, ha on un relation?
Intertanto omne veneto practica le bilinguismo. Quasi completamente on parla
in dialecto, un ver lingua, e on scribe e lege in italiano, un lingua
recente pro le venetos, mesmo in lor organisation statal. Solmente 200
annos!
Ma, crede vos que iste 50 e plus milliones de visitatores non incontra in
Veneto un adequate reception a nivello linguistic? Un germano, un anglese,
un francese, un espaniol hic contitua tranquillemente a practicar su lingua
matre e, de consequentia, ubicunque, illes trova un veneto qui pote
responder. Nos ha areas in le qual le realitate linguistic es cosmopolite.
E isto non suffice. Le quasi 800,000 habitantes de mi provincia ha un
interprisa commercial omne circa 7 habitantes. Il es notori que nostre
interprisas produce pro le estraniero in maxime parte. Un del empleo plus
practicate in Veneto reguarda le profession del correspondente con le
extraniero. Isto se traduce, per exemplo in mi Treviso, a circa ultra
100,000 personas qui, o interprenditor, o correspondente, omne die practica,
in le quotidianitate del labor, al telephono in le realitate de hodie, plus
de un lingua inter illos europee, sin oblidar cinese, japonese o arabe, pro
non oblidar nos contactos sempre plus actual con le nove Russia.
Oh Deo, le statistica!
Ha in le mundo un altere territorio ubi on pote vantar un concentration de
interprisas que opera con le estraniero equal a illo de mi Treviso?
Il pare de no, pro illo que io lege. E Treviso, inter le altere 6 provincias
venete non es un exception, perque le altere realitates venete es a equal
nivello.
Un del ramos del instruction superior e universitari reguarda hic le linguas
e lor applicationes: interpretariato, commercio con le extraniero, adressate
al inseniamento, etc.
Totevia Italia es un Pais que supera le 57 milliones de habitantes
residente. In le altere regiones italian, per exemplo in le campo del
tourismo, il non es que le presentias sia de multo inferior a illo venete.
Assi, sin facer lo ulteriormente longe, il es probabile que in Italia un
population que supera illo svedese, pro non parlar de illo danese, practica
pro labor, securmente anglese, non secundarimente germano e francese,
sovente linguas oriental, e le espaniol probabilemente in un intensitate
minor respecto al precendente linguas. Le portugese deverea esser in
minoritate, nonobstante que multe interprisas venete es active in Brasil,
per exemplo in le cultura del caffe. Isto perque mesmo un lingua ha un
presentia que ha un relation con le frequentias del reportos inter le
personas, que a su vice, ha un relation con le capacitate economic inter le
personas. Hic interlingua face absentia total!
Le anglese tende a exportar mesmo su lingua, al contrario nos non lo face e
prefere facilitar non nostre lingua quanto nostre productos o beltate del
locos. Assi nos, forsan pro practica ultra centenari, adapta nos al altere
linguas e, iste linguas, assume le valor de un completamento a nostre
offerta. Le offerta que se realisa in le quotidian, on debe intender: illo
que move le economia local.
Totevia forsan un 45 miliones de italianos, probabilemente non ha un
contacto con le mundo extranier como le restante italianos, qui corresponde,
istos ultime, a circa 12 milliones de citatanos qui ha contactos. Un Svedia
abundante! E, Stam, in un superficie territorial multo limitate, aspecto del
superficie que tu message non considerava, si io non rememora mal.
Superficie, como economia, ha lor relationes in iste themas.
In mi instruction commercial on inseniava que le informationes vade
analysate ben perque in illos uno debe travar solutiones que produce
ricchessa.
Oh, tu vide le statistica e illes qui studiava le latino!

Inter illes mesmo Mario, troppo annos retro