Mario Malaguti ha scripte:


> Car Amicos,

> Io me exerce in le pronunciation in modo intensive.

> Inter le textos que io ha legite plure vices il ha le Declaration
Universal

> del Derectos Human, publicate al pagina

> http://www.interlingua.com/derectos.htm .

> In iste pagina io ha problemas con tot{o=>e} pronomine e tote adjectivo.

Hic va mi tentativa de adjutar te, Mario.


> Articulo 2: Tote esser human ha ... o tote esser_es_ human?

Ambes ha practicamente le mesme effecto.

(a) "tote esser" = "cata esser" : "tutto essere", "ogni essere" ("every
being", "each being").
(b) "tote (le) esseres" : "tutti (i) esseri" ("all beings").

Io vide le (leve) differentia inter ambes assi: In (b), tu te refere a tote
le collection de esseres a un sol vice (le substantivo es in le plural). In
(a), tu te refere a tote le collection de esseres, mais (viste que le
substantivo es in le singular) il es como si tu los visualiza
individualmente, le un post le altere, usque formar le imagine de tote le
collection.


> Articulo 7: Totes es equal ... Totes ha le derecto ... o tot_os_ es

> equal/ha le derecto?

"Totes" hic equivale a "tote personas" o "tote esseres", ubi le substantivo
ha essite omittite: "tote XXXX-s" => "tote -s" => "totes".

"Toto" es:
   1) pronomine derivate de "tote" pro representar "tote le cosas", "tote
   illo que existe" ("toto" x "nihil").
   2) substantivo equivalente a "totalitate" ("le toto" x "le partes").
   3) adverbio derivate de "tote" (equivalente a "totalmente").

"Totos" esserea le plural del substantivo "toto" (2).

Toto (adv.) amicalmente,
Ensjo.