Al thema del tankistas sovietic centro-asiatic: Naturalmente il habeva tales
inter illes, qui luctava al latere del hungaros; pro isto on vide tanks al
latere del hungaros, alteremente le revolutionarios non haberea habite
tankes secundo me (multe populos centro-asiatic mantene le hungaros como lor
parentes o populo affin - e isto es pro le hunnos e non pro le finnos...).

Ion-Mihail Iosif scribe (corrigite per me):

>>Io pote confirmar [toto] que dice Peter. De plus, le
[mesme] solution (soldatos de facies mongoloide) era
utilisate pro reprimer le Primavera de Praga in
augusto de 1968...<<
In iste action regrettabilemente tamben nos hungaros era fortiate a participar.

Gibrail caon (assi, per minuscula in le initio) demanda:

>[Io] audiva mesmo que ibi [in] Europa Oriental jam ha
campanias pro devenir le symbolo del falce [e] martello
illegal, sicut le [svastica] in qualcun paises. Esque
Hungaria es un de illos?<
Quanto al falce e martello: Io pensa, illo non es illegal in Hungaria,
proque illo es le symbolo tamben del minatores, independentemente del
communismo, proque in Gellénháza, un village vicin a hic il ha le domo
cultural con iste symbolo visibile tamben in nostre dies, ancora construite
per le americanos in le 30s, proque ille village era un grande loco de
trovar petroleo. Le stella rubie es un "symbolo dictatorial prohibite", como
tamben le svastica. (On poterea discuter re isto, nam le svastica es un
symbolo multo ancian e positive, que habeva aliquando nihil commun con le
ideologia nazista. Ma le contexto historic, in le qual on lo ha /mis/usate,
forsan totevia face justificabile le prohibition de iste symbolo...) 
Le plus nove video con subtitulos in interlingua ha intertanto devenite
preste (se tracta del pecia musical del gruppo Kárpátia, cuje textos io ha
traducite), vide lo hic:
http://video.google.com/videoplay?docid=5758144795408698676&q=nomines&total=2035&start=0&num=10&so=0&type=search&plindex=1
Regrettabilemente le timing non es le optime, ma forsan pro isto mi
programma (software) con le qual io lo ha facite es culpabile.

Desde mi ultime lettera, como promittite, io ha traducite tamben le (altere)
oration parlamentari de Mária Wittner in le parlamento, le 25 de februario
2001. Ecce illo, con alicun explicationes, notitias (numerate e scribite al
basso):

>Io sta toccate in le Domo del Pais Hungare, ubi eminente personas de nostre
historia como István Tisza, Kunó Klebensberg, Bálint Hóman creava leges in
favor del populo hungare. Ma on ha create leges tamben in le nomine de un
idea false, que laborava pro perder un nation digne a un sorta melior. Hodie
io cita le victimas in le die de memorar le victimas del communismo, a fin
que nos accusa insimul nostre executores mittite le habito "socialista" 1.

Nos les accusa, proque illes con grande effortio paviva le via de Lenin per
le ossos de nostre co-patriotas. Isto es le via le plus costose, le plus
dolorose del mundo, proque le condition de lor progresso era le vita de
milliones de gentes.

Nos les accusa, proque illes ha inviate citatanos eminente de nostre nation
al furca e les dishonorava mesmo quando illes era morte.

Nos les accusa in le nomine de los qui ha morite in le Gulag sub
circumstantias inhuman.

Nos les accusa in le nomine del citatanos facite perder lor domicilios e
relocate, in cuje casas seligite illes se installava, habente robate le
labores de vita.

Nos les accusa in le nomine del gentes tormentate, humiliate in le campo
mortal de Recsk 2.

Nos les accusa in le nomine de los qui ha obligate a servicio de labor.

Nos les accusa in le nomine del mortes del parcella no. 298; in le nomine de
los qui ha essite detenite, tormentate e abattite per le ÁVH, lor
organisation de violentia 3.

Nos les accusa in le nomine de sex milliones infantes non jammais nascite 4.

Nos les accusa in le nomine del tresor le plus car, le infantes, del qual
illes prendeva le patre, le matre, le calor del domicilio.

Nos les accusa in le nomine de "le plus grande valor"; le homines, qui era
inviate al furca per un tracto de penna o era claudite in prision pro longe
annos.

Nos les accusa in le nomine de mi co-patriotas humiliate, tormentate.

Nos les accusa in le nomine del victimas del salvas 5.

Nos les accusa, proque illes ha occidite le credentia, le sperantia, le
moral in le gente; le sperantia de un vita plus human, plus pur.

Nos les accusa pro cardinal Mindszenty, pro le prestres fidel a Deo, le
quales era imprisionate a causa de lor credentia, proque illes educava
nostre populo al moral e patriotismo.

Nos les accusa, proque illes ha saccheate le pais, proque illes - negante
lor principios - deveniva capitalistas rubie del labor del populo hungare
laboriose 6.

Nos les accusa in le nomine del paisanos hungare, cuje agros, spatio vital
illes faceva perder, assi habente facite les sacrificate.

Io les accusa in le nomine del pensionarios, del quales illes robava le
fructo del longe vita laboriose, facente  lor annos secur pensionari a insecur.

Nos les accusa pro le falsification de nostre historia 7.

Le viventes e le morites occidite accusa.

E nos les accusa, proque illes nos ha fraudate, robate in nostre credentia.
Pro isto io constata in le nomine del victimas, que illes como politicos
hungare non jammais devenira capabile a ager pro le avantiamento de un
nation. Io pone le question hic: Secundo qual moral illes sede in un
parlamento hungare mesmo ora e crea leges pro un nation guastate, piliate,
humiliate per illes 8 ? Pro isto in le nomine del doctrina del Sacre Corona
e del nation hungare io les declara a cadaveres moral.<

1: Hic illa refere a lo que multe socialistas (social-democrates) hodierne
del parlamento era olim communistas (servitores de un systema dictatorial) e
de iste facto illa tracta le communistas e le socialistas hodierne como un e
pro isto illa declara le socialistas de ora tamben culpabile al criminales
anterior del communistas.

2: "Le campo mortal de Recsk" era de facto un campo de servicio de labor
inter 1950 e 53, nominate tamben "le hungare Gulag".

3: Le parcella 298 se trova in le cemeterio commun de Rákoskeresztúr
(Budapest), ubi le victimas e altere condemnatos inter 1945 e 56 es
interrate. ÁVH es le acronymo del Államvédelmi Hatóság (Agentia de Defensa
Statal), un organisation dictatorial, "le hungare KGB".

4: Isto es un referentia actualpolitic: si io ben sape, le 6 milliones
infantes non-nascite se comprende como le numero de abortos post le "cambio
del systema" in 1990 (dunque pro isto non le communistas son - directemente
- culpabile, ma le posteriores. Nos de novo incontra le phenomeno que
seniora Maria Wittner tracta le communistas e su successores "democratic",
le socialistas - se nominante "social-democrates" -  como un e illa accusa
iste ultimes pro criminales de ille anteriores).

5: Le plus cognoscite salva durante le revolution occurreva le 25 de octobre
1956 ante le parlamento, quando on tirava a in le multitude pacific de
3-4000 personas. Quasi cento demonstratores moriva e multe centos era
vulnerate. Le nova de iste salva assecurava, que le populo de Budapest e
tote le pais supportava e faceva le revolution, le lucta armate.

6: De novo un referentia actualpolitic: le communistas salvava lor potentia
economic trans le "cambio de systema" in 1989-90, como le proprietarios de
firmas, etc.; assi habente devenite capitalistas le plus ric.

7: Le falsification del inseniamento del historia hungare es "comprensibile"
in un dictatura. Ma le falsification de nostre historia comenciava ja antea,
ja in le tempores habsburge.  

8: Il es interessante, que alora nos habeva un governamento conservative,
totevia illa - como un nove delegata del partito conservative - in su prime
oration parlamentari attaccava le ex-communistas e communistas, le
socialistas, dunque le opposition de alora con "crear leges", etc.

Péter Kovács

--
Archivos e disabonar: http://listserv.icors.org/archives/INTERLNG.html