From: "Stanley Mulaik" <[log in to unmask]>
>   Mais como es isto differente que le multe poemas in
> portugese e interlingua que Ensjo ha ponite aqui? Necuno ha
> objectiones a aquellos.

Ben, Stan, e nunc nos ha un lista pro ille
sorte de articulos litterari. Nonne? Nos
non habeva isto de antea, nonn? E forsan
con mi responsas religiose... forsan que
necessitarea nos un lista pro discussiones
religiose? Forsan. Ma quando le quantate
de messages in Latino classic supera le
tertie dozena in un mense, il ha problemas.
Nonne? Io crede que si. E forsan, forsan
le apparentia de un nove lista pro ille
typo de articulos e discussiones e un
passo avante pro Interlingua.

Le Interlng es un sorte de lista incubatori
pro le expansion del belle lingua inter-
national. Nos necesse poemas e traductiones
de cantos, e forsan paragraphos in latino
classic pro augmentar nostre affinitate al
cosas philosophic, proque non? Ma,
quando le baby nasce e cresce e deveni
un grande qual es le opinion, es illo
ancora un baby? Non, e le Interlng
non es un baby, e illo ha "bambinos",
infantes, e ab ille infantes veni le
progresso.

O forsan tu volerea  abortar le nove
lista? E prevenir le crescimento del
Interlng? E continuar con le medie
centena de usatores active que le
belle lingua nostre ha habite jam per
decennios? Non, io non crede que
isto es lo que tu vole. Io sape ben
que tu vole vider le expansion e le
promotion de Interlingua.

E assi, como progressara nos?
In mi opinion, con le expansion
a altere foros public pro le discussion
de cosas interessante a gruppos
varie. E sempre con le matre de
tote le listas Interlinguan, Interlng
al disposition de omne volente,
como un vinculo al altere foros,
como un sorte de congregator
cyberspatial pro le beneficio del
novicios e del veteranos. Assi
con altere foros on non perdi le
novicios, illes remane e illes cresce
illes trova foros plus specialisate a
lor interesses e illes supporta le
discussiones assi como lor habilitate
pro usar le belle lingua cresce.
In isto nos poterea apprender
ab le foros Esperantista, nonne?
Illes offeri un lection in isto, que
le specialisation de foros non detrae
del foco intense del camino, non,
ma le lumine per illos se rumpe
in un gloriose e triumphal variation
colorific, un arco iride de gruppos
amical, pro le gaudimento e le
entertenimento de gruppos de
amicos con interesses similar.

Le progresso de Interlingua
significa le diversification e le
expansion de foros pro le discussion
de themas de interesse special. Ma
isto dicite on anque debe considerar
le necessitate de continuar un foro
sempre - presente e aperte, ubi le
novicios pote trovar un calide
benvenita al mundo de interlingua.

Assi es mi opinion, e io spera que
tu comprende mi puncto de vista
melior. Io te assecura que io senti,
multo appreciativemente, grande
gaudio in poter apprender tu punctos
de vista e ubi nos concorda o trova
differentias in opinion, toto es pro
lo melior,
Jay B.

P.S. E io benveni le expression
de opiniones ab nostre altere amicos
in Interlng, sia o non sia lor punctos
de vista similar al mie.