RE le [log in to unmask]

Con grande satisfaction io ha recipite le commentarios
de alcunos in Interlng que vole offerer adjuta con le
lectiones pro le lista. E hic io vole facer un invitation
formal pro omne que vole adjutar in iste forma pro
inviar me traductiones o material original pro inclusion
in le lectiones. Poemas, articulos traducite, pensamentos
e reflectiones, burlas e jocos, o mesmo listas de ingredientes
pro confectiones saporose son omne benvenite. Le puncto
del haber un lista pro practicar le bel lingua international
es haber bastante material pro practicar le lectura e le
scriptura del lingua. Como vos videva in le excerptos
mi Interlingua non es perfecte, mesmo mi anglese anque
non lo es :-) Mais como instructor de linguas in un
schola io ha apprendite que lo importante non es le
perfection in le apprendimento del linguas estranie
mais le communication. Si vos vole poter communicar
se melior e passar alcun tempores divertite tunc invia
me un message con le phrase "Jay, adde me al lista".
Mais si vos pensa que trovara perfection illac, ehem,
le mundo integre non es perfecte.

Hic un historia ver...

In le Insulas Canarias un del pejor accidente de aviones
occurreva proque il habeva un intercambio de parolas
inter le piloto de un avion e le agente de traffico al turre.
Le piloto diceva in anglese que ille esseva "at take-off"
quando le agente audiva isto ille pensava que le piloto
esseva al puncto de comenciar le "take-off" mais in
realitate le piloto le informava que ille vadeva nunc
pro le via, accelerante le velocitate pro le "take-off".
In un pauc secundas le avion accelerante choccava
con un altere avion, centos de personas moriva.

Parte del problema que nos ha in iste mundo plen de
problemas es le communication, de facto illo es le
culmine, multissime vices, del problemas inter nationes,
ex isto emana le discordio e le manca de pace.

(Hmmm, io usa le parola "manca" un altere vice e sin
esser secur que io lo usa correctemente... Tunc io
debe finir le message sin philosophicar plus o io
facera plus errores :-)

Bon nocte e dulce sonios,
Agape'
Jay B.

[log in to unmask] [log in to unmask]
 http://adam.cheshire.net/~jjbowks/home.html
 ~~~~~~~~~~~~~~~~~~~~~~~~~~~~~~~~~~~~~~~~~~~