> A proposito de svasticas, il ha un village in le nord de Ontario appellate
> Swastika. Durante le Secunde Guerra Mundial, multes advocava que on lo re-
> nomina, ma le leaders del village refusava, dicente, "Swastika era la
longe
> ante Hitler, e illo remanara longe post que Hitler es oblidate!"
>
> Amicalmente,
>
> Chris
Car amicos,
como io nunc apprende, le svastica es un antique symbolo solar del India
con quatro brachios curvate a angulo recto verso le leve. Iste parola veni
ab le sanscrito svastika, un derivation de svasti: felicitate, sanitate.
Solmente le nazis lo ha usate con le brachios curvate al contrario como su
symbolo politic.
Il es difficile pensar que hodie iste symbolo pote representar un
ideologia diverse del nazismo. Le horribile luctos, guerras, devastationes e
morte que iste idiologia ha seminate plus de cinquanta annos retro in le
tote mundo non son ancora oblidate.
Etiam in Italia le nove partitos politic de dextra cerca de revider le
passato in un nove luce historic. Le revisionismo del historia fascist
hodie es semper plus forte. On tenta de comparar omne armea, omne soldato al
mesme nivello historic. Le nostalgicos del fascismo, del Republica Social
Italian de Mussolini vole haber un recognition historic de su obra e de
comparar su soldatos con le partisanos qui ha combattite pro le libertate e
le democratia. Iste phantasmas del passato non vole vader foras, e nunc in
le societate italian il ha un forte conflicto re iste thema.
Certe, tote le homines antea al morte son equal, on debe haber respecto
pro tote le homines qui ha combattite e suffrite in ille annos horribile,
sed non tote le homines son equal antea al historia.
Que es le nazismo: forsan le capace voluntate, le responsabilitate de
combatter pro un ideologia que proponeva le total absentia de libertate, le
complete destruction del populo hebraic, le voluntate de submitter le
populationes slavic como racias inferior, favorar le creation de un
societate sin invalidos, sin malades mental sin opposition politic e social
pro medio de la suppresion de milliones de homines e feminas al fin de crear
un nove racia aryan. Le nazismo non era un fortia destructive athee, tamen,
illo era un ideologia, un religion pagan!
Tote isto clava le nazis al proprie responsabilitates verso le historia
e le humanitate.
Io crede que le svastica como symbolo ha ancora un significato
perverse, odiose, e il es vermente difficile pensar que in un futuro proxime
iste significato potera mutar, potera retornar a su significato precedente.
Un scriptor lo ha comparate a un aranea nigre que ha texite su tela malefic
super tote le Europa.
Hodie, ha essite Hitler totalmente oblidate?
Antinazistamente vostre!
Luca Ghitti
|
