LAFAYETTE, Louisiana:  Un maestra reprimandeva un
puero de 7 annos e le fortiava scriber "Io nunquam
usara le parola "gay" plus in schola" post que ille
discuteva su matre lesbian, diceva le Union American
pro Libertates Civil (ACLU) le prime de decembre 2003.

Marcus McLaurin qui es in le grado secunde attendeva
recesso le 11 nov. al Schola Primari Ernest Gallet
quando un companion de classe le demandava de su matre
e patre, diceva le querelo del ACLU.

Marcus respondeva que ille ha duo matres pro que su
matre es gay. Quando le altere puero demandava un
explication, Marcus le diceva: "Gay es quando un
puera ama un altere puera," secundo le querela.

Un maestra qui audiva le remarca reprimandeva Marcus,
dicente a ille que "gay" es un "parola mal" e inviante
le al bureau del principal. Le proxime septimana,
Marcus debeva arrivar al schola de bon hora e scriber
repetitemente: "Io nunquam usara le parola "gay" plus
in schola."

Le superintendente del scholas del parochia Lafayette,
James Eaton non respndeva immediatemente a un message
telephonic al su bureau.

Le ACLU demanda que le schola remove le caso del
dossier de Marcus e que le schola face su excusas al
puero e su matre, Sharon Huff.

"Io me preoccupava quando le vice-principal me
telephonava e me diceva que mi filio diceva un parola
tanto mal que ille non vole repeter lo per le
telephono," diceva Huff. "Ma illo era nil comparate al
choc que io me sentiva quando mi pueretto arrivava al
casa e me diceva que su maestra le habeva dicite que
su
familia es un parola mal."

__________________________________
Do you Yahoo!?
New Yahoo! Photos - easier uploading and sharing.
http://photos.yahoo.com/