Multo interessante. Como infante io legeva un libro de un puella Heidi qui
viagiava a su granpatre (si mi memoria me servi) in le Alpes...

In Svedia il si nominate bestiales estival (fäbodar) era multo commun. Ibi
laborava ante toto le juvene feminas. Le puellas del bestiales estival
(fäbojäntor) faceva probablemente plus o minus le mesme labor como tu
pastores de montania. Le plus usate cereales in Svedia era certo secale e
hordeo. Io crede que le puellas del bestiales mangiava ante toto le pan
tenue de hordeo.

On usava un special instrumento musical a vento (fluta non es le parola,
plus tosto un specie de trompeta "primitive" pro facer signales sonar. Illo
era fabricate del extreme parte del cortice del betula.

Como in omne localitates de montanias on cantava in le maniera special de
falsetto ma in Svedia - io ha solo audite isto como un demonstration,
nunquam in le vita actual - on usava plus tosto le tonos de falsetto e non
le ton pectoral como in lo que le germanophonos appella Jodeln (o alque in
iste stilo).

(Etiam in Uppland on usava un stilo vocar con le voce de falsetto quando on
advocava (hehe!) le vaccas al "vaccal" pro esser mulgite, ma isto non era
si interessante musicalmente como le canto del vaccheras estival.)

Le vaccas e capras era in le silva durante le die e era revocate al vespere.
La ascention estival era un grande historia in le provincia de Dalarna
(Dalecarlia in latino medieval) e etiam le descention ante le autumno. Le
bestial appertineva a tote le village.

Le puellas faceva un special caseo brun (que etiam existe in Norvegia e se
vende ci in mi magasin vicin - producto de Norvegia.) Il sembla que on in
alcun maniera utilisa le saccharo que existe in le lacte....

Viste que le nocte in le estate in Dalecarlia non dura plus que alcun horas
- como ci in Uppsala - le die de labor era multo longe e le vita in le
"vaccal" era multo triste e monotone...

Io audi un voce del audientia: Ubi era le viros?

Replica: Le viros era in le valle facente le recollection del cereales e fena.

Le plus silvatic partes de Dalecarlia e Värmland (Vermlandia - le provincia
del selebre scriptrice Selma Lagerlöf) era in le 17 e 18 seculos colonisate
per agri- e silvicolas de Finlandia. Usque al initio de iste nostre seculo
il habeva unic personas qui ancora parlava finnese.

Secundo un vetere lege - que nunquam ha essite abolite! - le cives in ille
partes de Svedia habeva ab tempores ancian le derecto usar le finnese in le
cortes. On ha essite multo silente in re iste lege, me narrava dece annos
retro un persona qui cognosceva iste cosas multo ben...







Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden