Le sequente es un traduction de un paragrapho in le
"Interlinguistic Standardization, vol. I, §81, per
E. Clark Stillman e Alexander Gode-von Aesch, 1943.

Isto esseva le manual pro guidar le linguistas de IALA
in extraher e standardizar le vocabulario international.

Tu pote trovar istos in le web a
http://library.albany.edu/speccoll/findaids/ger107.htm

Le original es in anglese.

"¶81  Anterior a examinar le materia de parolas presentate
in le section del dictionario de iste libro, materia de
parolas, in altere parolas, lo que constitue le rendition
standardizate de alcun 200 familias tractate secundo le
methodo elaborate in alto e organizate alphabeticamente in
le maniera justo state, il sembla necesse de dar pro uso
practic un formulation concise del principios que governa
le integre processo a partir de un tabula plen de dictionarios
al producto final de un vocabulario international standardizate.
Il es evidente que le exemplos previemente presentate non
poterea esser facite pro illustrar tote combination possibile
de circumstantias.  Le definitive formulation del principios
realmente functionante, totevia, esseva attingite solmente
post multe experientia considerabile in le analyse de centos
de familias de parolas e es intendite a esser complete. De
facto, on va trovar que le principios merita esser appellate
leges objective del laboratorio. Lor application presuppone
habilitate, mais in necun maniera illos se depende super
decisiones subjective. Il esserea un exaggeration a dicer que
qualcunque puero poterea comprehender e usar los, mais il es
secur de asserer que il non es possiile que duo personas, si
ambe es sufficientemente habile e intelligente pro usar iste
principios, deberea jammais esser disviate per illos a
resultatos differente."

Stan Mulaik

--
Archivos e disabonar: http://listserv.icors.org/archives/INTERLNG.html