Scribe Stan:

>Io es alquanto anxie con respecto al tempore si isto
>comencia in april, le tempore de tempestas de pulvere.
>E le temperatura deveni multo calide.
>
>E io es anxie si isto deveni un guerra in le citate
>de Baghdad, con tote le cititanos innocente.
>
>Il ha reportos que Saddam Hussein ha date uniformes
>american a alcun de su truppos tal que illes pote
>attaccar su cititanos qui va blasmar le americanos.
>
>Naturalmente, si le inimico es in tu uniforme, ille
>es occidite al sito.  Un periculose curso pro un
>soldato es isto.
>
>Io ha sentimentos miscite.  Io non vole nostre militar faller
>in lor missiones.  Io crede que le guerra es juste mais non
>proque Saddam Hussein es un periculo immediate a nostre pais.
>Ille ha refusate a disarmar como le accordo su pais ha signate
>al fin del prime Guerra del Golfo.
>
>Io crede que le francese ha un interesse in opponer isto.  Illes
>recipe petroleo contrabandate foras Irak per Turchia, portate in
>le centos de camiones equippate con special reservoires sub illos
>que viagia inter Irak e Turchia.
>
>E in altere respectos con le resto del politicas del Administration
>Bush io es opponite.  Su plano a solver le problemas del economia per
>eliminar le taxas super le dividendos de actiones pagate a individuos
>non me pare capace de solver le problema durante que illo concentra
>mesmo plus le proprietate de capital. Io favora elimination del taxas
>a corporationes super le dividendos pagate, mais non le taxas a
>individuos qui recipe tal dividendos. (Isto es le problema del duple
>taxation super le dividendos). E crescer le debito national
>va solmente requirer le pagamento de plus e plus interesse super
>aquelle debito, que va facer difficile mantener o le militar o le
>programmas social.
>
>Assi in un certe senso io vole que ille falle, pro demonstrar su
>incompetentia a mesmo su proprie adherentes.  Ille ha monstrate un
>complete incompetentia in le affaires extranee.
>
>
>Cordialmente,
>Stan

Quante themas de mi interesse e, totevia, io non comprende plus le senso que
debe haber le contribution a iste lista.
Pro me il non se tracta del prime vice.
Responder a uno solmente de iste themas pote revelar se un facto non
opportun.
Nos pote parlar del salute del cattos de casa o del tempore que face a
Marietta o a Uppsala, e non con insistentia, alteremente uno scribe: basta!
E totevia quante problemas a initiar ab le realitate que io lege relative al
costo del vita in le USA hodie, al facto que deveni sempre plus necessari
abbandonar le villas e le automobiles in favor del viver in proprietates
juncte, e ancora e ancora.
E que dicer del insecuritate del viver quotidian?
Del periculo de mover se, simplicemente proque tu pertine a un nation o a un
religion?
Del securitate apparente in paises que pare tranquille e in le qual un
estraniero es objecto de vexationes a initiar per le fortias del ordine que
vole pecunia con omne pretention?
Le alternativa es illo de pagar un protection local.
Isto non se debe dicer. Isto crea repercutiones. Isto non es opportun.
Io non comprende iste modo de rationar, o al contario io lo comprende come
pertinente al diverse mafias que rege le mundo.
Io comprende que le singule citatano vale nihil, mesmo in mi Pais que,
normalmente io considera fructo de un civilitate antique.
Sera le silentio le melior del solutiones?
Io pensa que no!
Il serea un render sempre plus facile le vita al prepotentia.
Totevia il es preferibile observar le primavera e sperar que le natura
habera ancora un poco de patientia. Un altere 50 annos, il poterea sufficer.

Mario



_________________________________________________________________
Vinci la nuova Nissan Micra con MSN Messenger! http://www.msn.it/messenger/