Car amicos,

Alcun de vos ha suggestite que melatonina serea un substantia que face
le prime differentia inter melanodermos e blancodermos. Ah, nunc, il es
un differentia inter melanina e melaTOnina!

Io telefonava mi filia Erika, qui apprende medicina, e illa inviava iste
pecia de erudition pro vos:

Secundo a un reporto 1978 e lumine e obscuritate affice le production
del hormono melatonina in le corpore pineal. On ha discoperite un
accopulantia (coupling--no voleva usar 'copulantia'..) inter melatonina
e le hormono adrenocortical cortisol ('cortisone', si).

Un disturbantia rythmic in iste duo hormones i homines con depression
appareva in un reporto 1979.

Le importantia de lumine pro synchronisar le rythmo circadian era
publicate
per Pittendrigh (1979) e Wever et al (1983), ubi le rythmo diurnal era
provocate per detener voluntarios in isolation prolongate.

Le tractamento medical per lumine forte se appoia hypotheticalmente
super le
effectos que alterationes in lumine-obscuritate habe in structuras
cerebral,
lequales genera e regula rythmos biologic in varie frequentias.

Le systema creante le rythmo diurnal de melatonina include le
transmission
de impulsos de lumine via le retina a le hypothalamus e, via le plus
alto
ganglion cervical a corpore pineal (pinea).

Le formation de melatonina in le pinea es regulate rythmicomente per
alterationes in lumine/obscuritate, affectante le concentration de
noradrenalin per sentieros nervose (nervous pathways) ab oculo a
hypothalamus
e "superchiasmatic" nucleos via le corda spinal pectoral.

Le fines del nervios libera noradrenalina, stimulante le production de
cyclic ATP. Le chemistas ha trovate substantias, enzymos,
multo interessante como hydroxi-indol-O-methyl transferase, HIOMT, e
N-acetyl serotoninio-transferase, NAT, quales son multiplicate durante
obscuritate
e melatonina es secernate in le sanguine.

Le nivellos de melatonina attinge lor culmine a circa 2:00 horas.

Le optime effecto de tractamento per lumine artificial es in suffrentes
de depression saisonal. Le therapia es le melior in le horas matutinal
(morning hours). Resercatores ha trovate un effecto superior comparate
a placebo.

Sigmund