Stan scribeva:

> Mi amicos in Europa etc.  Unde es vos?  Esque que vos lege le Reporto
> a Congresso del Presecutator Special?

"Presecutator"? Esque isto es un hybride inter "prosecutator" e
"persecutator"?

Certo, le cosas in le S.U.A. ha arrivate a un multo basse puncto. In
un situation como isto, io opina que le systema parlamentari que on
usa in Canada e le major parte de Europa ha un avantage
indubitabilemente. Illo es que, si tosto que le chef de governamento
(le prime ministro) perde le confidentia del parlamento, on o le
reimplacia o appella un nove election parlamentari. In practica,
senior Clinton (como senior Nixon in su tempore) esserea reimplaciate
per un simple decision del cabinetto. Sin gloria, ma anque sin le
grandissime humiliation personal que on attende ora. In plus, le
"guerra guerriller" inter congresso e le presidente, le qual certo propelle
iste evenimentos in grande mesura, non existerea in un systema
parlamentari, ubi le executivo e le legislatura debe esser in
harmonia per necessitate.

In le systema presidential del S.U.A, ubi le presidente es un sorta
de monarca electate, un tal acto de reimplaciamento debe crear quasi
un crisa de regime.

Constitutionalmente,

Chris Burd
Victoria, Columbia Britannic