d[071031] x[Kiviaho Allan] z[KivA-GCUic] r[EnfE-GCM KovP-GCO]
s[Austrianos e russos in Hungaria]

[log in to unmask]

Io multo ben concipe que le occupation de Hungaria per
le Union Sovietic post le secunde guerra mundial era
terribile.

---------------------------------------------------------------
Enfors Erik 071023: Quando io comenciava mi studios
universitari le anno sequente io habeva duo cameradas de classe
qui habeva fugite post le revolta e illes poteva contar
historias terribile del battalias.
------------------------------------------------------|--------

E quando io participava a un curso de un systema de
operation de un certe computator in Zürich, Suissa, in
1984, uno de participantes era un hungaro qui habeva
battaliate a stratas de Budapest in 1956. Durante le
curso io inviava a ille un message per le rete interne
del curso: "Allen Fenno-Ugriern - hurra!". Il pipava
in su terminal e ille legeva stupefactemente mi
message e nutava amusante a me. In le mesme momento
nostre terminales fenno-ugric veniva obstructe - que
occurreva frequentemente in iste tempore - hodie quasi
nunquam. Le instructores suisse, qui non habeva multe
senso de humor, marcava que nos jocava in lor curso
seriose e non plus activava nostre terminales ...

Durante le battalias desperate in Budapest io videva
peliculas documentos de illo e post le fin tragic del
revolta un longe documentario, ubi durante tote le
documento, qui durava 1-2 horas, le "Bolero" de Ravel
era presentate sin pausa. Curiosemente in iste estate
nos attendeva le festa del 600e anniversario del
monasterio catholic "Pirita" (de Sancta Birgitta, la
patrona official de Europa) que le armea russe de
Ivan le Terribile destrueva in le 16e seculo. Nos
resideva in le nove monasterio Pirita. Nos attendeva
a un concerto ubi como le secunde numero era
presentate un Ballet de Bolero de Maurice Ravel.

Previe vice, 51 annos antea, iste composition
suggestive era presentate como protesto contra le
brutalitates de soldatos russe, iste vice ille era
presentate per le "Ballet Imperial Russe", un gruppo
legendari del initio del 20 seculo, hodie reincarnate
per Maja Plisetzkaja, prima ballerina assoluta del
Theatro "Bolszoj" de Moskva, e per le orchestra de
"Nove opera" de Moskva, conducte per un grandissime
conductor estonian, Eri Klaas.

Le concerto era brillante ... sed ... Russos ORTHODOXE
honora un memoria de un monasterio CATHOLIC que iste
russos habeva destruite ante 450 annos [*], conducte
per un estoniano, un pais LUTHERAN (ancora durante que
la concertos habeva loco on trovava in Tallinn
fenestras fracassate post le tumultos furiose del
population russe - quasi 50 % del population de
Tallinn - in connexion del "soldato de bronzo" (un
statua de un soldato "liberator" russe, que le
officiales estonian removeva ab centro del citate al
cemeterio militar - le modello de iste soldato "russe"
era de facto un heroe olympic estonian, qui era per
fortia conscripte in le armea sovietic sed qui
desertava durante le guerra a finlandeses, post le
guerra ille era sub risco de esser arquebusate sed
le functionarios sovietic decideva que ille era plus
utile pro illes como un "heroe del Estonia sovietic"
quam un martyre anti-sovietic; mesmo de sculptores de
iste statua era estonianos.
---
[*] Ben, ben ... le rege svedese Gustaf Vasa habeva in
su aviditate de moneta destruite le monasterio
original in Vadstena, Svedia, jam ante 480 annos. Assi
ille era mesmo plus barbaric quam Ivan le Terribile...
Quando nos retornava ab Vadstena (ab le conferentia
nordic de Interlingua in 2006) un guida de un ecclesia
medievalin le vicinitate diceva que "Gustaf Vasa
committeva un crimine inexcusabile contra tote le
humanitate per destruction le memoria de Svedia - le
archivos in le monasterias catholic!"

Vide
http://www.interlingua.fi/umi/vadstena/vadstena.htm

--------------------------------------------
Russos terribile in Finlandia post le guerra
--------------------------------------------

Finlandia habeva in le secunde guerra mundial le
fortuna improbabile de esser le sol alliato de
Germania que non era occupate. Ben que le Union
Sovietic attaccava Finlandia in 1939 con un armea que
al fin del guerra in martio 1940 cresceva a 60
divisiones e ca. 1 200 000 soldatos. In 1941 Finlandia
se alliava con Germania ("Le Guerra continuante")
sperante reganiar le territorio que era perdite in le
Guerra hibernal - alicun finlandeses sonava que le
frontiera oriental de Finlandia vaderea extendite post
le guerra victoriose a Ural ...

Le invincibile armea sovietic se emergeva
como ... invincibile. Le armea sovietic tentava in
junio 1944 annihilar nos sub commando de marechal
Leonid Govorov. Finlandia era finalmente
miraculosemente salvate, super toto in le epic
battalia material de Tali-Ihantala - le con grande
marginal le plus grande battalia in le historia
militar de Europa del nord. Quando Finlandia va
celebrar su 90e anniversario le 2007-12-06, on va
haber le premiére del pelicula "Le Battalia de
Tali-Ihantala".

Post le guerra le Union Sovietic inviava a Finlandia
un Commission de controlo sub timite executor de parve
nationes, general-colonnello Andrej Zhdanov (un altere
partnero in iste commission era le Grande Britannia,
sed illo remaneva quasi totalmente passive). Con
Zhdanov veniva un parve guarda de corpore (alicun
companias). In anno 1945 in etate de 9 annos io veniva
a Helsinki pro studiar in un schola secundari. Mi
matre possedeva in iste tempore un café expeditionari,
que era locate in le vicinitate immediate del Palatio
de tennis que era abandonate pro uso del Commission
de controlo. Ibi era placiate soldatos e autos
sovietic.

Io habeva essite durante 6 annos como objecto de un
forte propaganda anti-sovietic. Io era choccate quando
le soldatos sovietic arrivava le prime vice al café de
mi matre - proque illes era gente extrememente allegre
e amical ...

Al comencio del Guerra de continuation in le medietate
nordic de Finlandia luctava truppas german. Lor
commandante era general-colonnello von Falkenhorst,
qui habeva participate jam in 1918 in le Guerra de
liberation finlandese in le "Ostseedivision" (Division
del Mar Baltic) german que invadeva de Finlandia del
sud e considerabilemente curtava le guerra que era
essentialmente un sanguinose guerra civil inter le
armea blanc e le armea rubie, que era assistite per le
bolchevicos russe. General Mannerheim, le supreme
commandante del armea blanc habeva justo capturate
Tampere e non voleva haber un invasion german in
Finlandia. Totevia alicun historicos crede que sin
le truppas german il existeva un risico que le
bolchevicos haberea seriemente supportate le armea
rubie e forsan periculosate le victoria de blancos.
Le commandante del Ostseedivision, general Rüdiger von
der Goltz, era parentela de vetule marechal von der
Goltz, que commandava truppas german e turc in
Mesopotamia (Iraq), ubi ille in Kut-el-Amara
(cognoscite etiam del guerra recente in Iraq) fortiava
un armea britannic a capitulation sed moriva tosto
del febre jalne (hepatitis?).

Postea le commandante del armea german in Lapponia era
nominate general-colonnello Eduard Dietl, un chassator
de alpes austrian, le heroe del defensa de Narvik
(Norvegia) e un persona multo popular in Finlandia.
Ille moriva per accidento aeree in 1944 e ille era
succedite per general Lothar Rendulic, etiam un
austriano e veterano del prime guerra mundial, ubi
ille luctava in le armea del imperio de Austria-
Hungaria. In su memorias ille scribeva hostilemente
de hungaros. Ille non era popular mesmo in Finlandia
proque ille quasi totalmente destrueva Lapponia
finlandese in le guerra inter Finlandia e Germania
in septembre 1944 usque le aprilio 1945. In 1945
ille participava al battalias final in le vicinitate
de Wien.

*******************************
Austrianos e russos in Hungaria
*******************************

Post que le armeas hungare habeva capitulate in 1849
le hungaros voleva se capitular a truppas russe in
loco de austrianos qui era profundemente odiate. In
octobre 1849 Marechal Paszkevicz orgoliosemente
scribeva al imperator russe: "Hungaria jace a pedes
de Vostre Majestate!".

Le russos livrava le hungaros capturate a austrianos,
qui se sentiva extrememente offendite. Le 6e octobre
1849 13 generales e colonnellos hungare era affurcate
o arquebusate in Arad per commando de Haynau. Solmente
le vita de Görgey era salvate per intervention russe.
Plure alte officieros hungare poteva escappar a
Turchia. Etiam multe politicos hungare era affurcate,
como Batthyanyi.

Io ha longe antea legite un poema de Sandor Petöfi.
Le nomine finnese de iste poema era "Verihurtta
Haynau" (Le bracco - cane de sanguine - tyranno
sanguinose). Nostre filia teneva como un scholera
un pictura de Sandor Petöfi apud su lecto.

Vide
http://www.interlingua.fi/upeu/ped42.htm#petofi

Post le liberation de Hungaria io visitava Budapest
e illac le museo militar. In le museo era un sala
dedicate a un exhibition de picturas con thema de
heroes hungare qui era affurcate per Haynau & Co.
facte per pueros e puellas scholar. Io comprava un
album de iste heroes.

Le regime del terror era finite post le guerra
Austria - Prussia 1866 e in 1867 occurreva le
"Ausgleich" (accordo), ubi Hungaria deveniva quasi
independente con vaste areal. In le regno hungare
solmente 40 % de inhabitantes era ethnic magyaros.
Le prime guerra mundial era un grande disastro pro
Hungaria que perdeva etiam multe territorios ubi
on habeva un majoritate magyar.

Salutante

Allan Kiviaho

--
Archivos e disabonar: http://listserv.icors.org/archives/INTERLNG.html