da[980506]
ab[victor <[log in to unmask]>]
Organization: Alapayevsky RUPS Sverdlovsk Post Department
su[Salutes]

Salutes,

Io connecteva al gruppo INTERLNG.

Io spera leger multe informationes interessante in 
interlingua.

Victor Tchernavski

le 6 de maio 1998

x x x x x x x x x x x x x x x x x x x x x x x x x x x x x x

[Allan Kiviaho 980510]

Zdravstvuite!

Benvenite, Victor! Russia es un multo importante nation pro
le movimento de interlingua. 

Pro nos vetule finnos (io ha 62 annos) nostre sentimentos a
Russia es un pauc ambivalente. Mi infantia (ab 5 a 10
annos) era totalmente umbrate per le guerra terribile de
1939--45. Finlandia luctava pro su superviventia. Stella
rubie era le symbolo que menaciava le anima de un pauc
infante incessantemente. 

Ma le guerras inter nostre paises son sperabilemente finite
pro semper. Naturalmente Russia ha suffrite in su guerra
contra Germania multo plus que le plus altere paises in le
Secunde Guerra Mundial. Hah, le populo de Russia ha forsan
sempre suffrite multo ...!

Mi patre affin era un veterano de duo guerras contra le
Union Sovietic (1939--40 e 1941--44). Ille multo odiava
Russia. Ma su filia (mi marita) e io nos multo interessava
de cultura de Russia. Quando nostre filia habeva ca. 10
annos e nos habeva retornate de un de nostre multe visitas
a Leningrad illa dupava su grand-patre dicente que nos
habeva planate a comprar un busto de Lenin e poner le 
super su television ... 

Quando le guerra habeva finite nos nos curiositava de
Russia. Io habeva 11 annos quando io videva mi prime
cinemas russe. Io ancora memora cuje nomines:

- "Le tertie colpa"  (Tretii udar /?/)
- "Soldato Matrosov" (Ryadovoi Matrosov /?/).

Postea nos habeva reguardate un immense massa de cinemas
sovietic. 

Le prime libro sovietic que io legeva era "Le penetration"
(Proryv /?/) de Sergei Sergeyev-Tchenski. 

Io specialmente admira le musica classic russe e ha personalmente
attendite le concertos de e.g. David Oistrah, Leonid Kogan, Svyatoslav
Richter e alii. Superbe es anque
le musica folkloric russe. Mi prime grande experientia
con illo era le visita del ansamble de "Pyatnitski" in
Helsinki in 1952. 

Le grande amor de nostre familia deveniva le ballet. Nostre
filia Pia Maria ha dansate ballet desde 24 annos (illa ha
nunc quasi 30 annos). Le grande stellas del ballet russe
ha visitate Finlandia multe vices post le guerra. Le prime
eminentes qui io ha vidite era Fadeyev (senior), Nina
Timofeyeva, Raisa Strutchkova, Maya Plisetskaya, etiam le
prima ballerina assoluta Galina Ulanova (qui moriva ante
alicun septimas in alte etate). La maestra de nostre filia
era Margareta von Bahr, bastante famose etiam in Russia,
illa ha dansate in Moskva (Bolshoi) e Leningrad (Kirov).

Ma nostre filia non deveniva un ballerina ma un maestra de
ballet e choreographo qui ha studiate quatro annos in le
schola de theatro in Helsinki, in le famose Palucca-Schule
in Dresden (Germanskaya Demokratitcheskaya Respublika),
duo vices in Paris etc. etiam sub eminentes ab Russia.
Nostre filio era trainate como un commando-soldato contra
le Spetsnaz ma nostre filia burlava que il non esserea tal
grande catastropho devenir le "Finlyandskaya SSR" perque
un dansatrice de ballet haberea le plus bon vita in le
Union Sovietic que in Finlandia e illa haberea essite facer
"un bon komsomolka". 

Inter 1960--1985 nos visitava multe vices Leningrad e in
1990 io era duo vices in Moskva pro installar systemas
de computatores al hotel "Mezhdunarodnaya" e le grande
sala pro exhibitiones industrial international. 

In 1983 nostre filia vinceva in un competition in le
svedophonic scholas de Finlandia pro scriber un essay con
thema "Un visita touristic al Union Sovietic". Como premio
illa viagiava con traino a Moskva, Ivanovo [Ivanovo-
Voznesenski] ("Le crippa de bolchevismo" e citate del
commandate legendari Tchapayev, io ha le libro de Furmanov, "Tchapayev",
in finnese e bulgaro que io comprava in Varna,
Bulgaria. Nostre filia anque iva a Kineshma e Leningrad,
ubi illa recipeva como premio un samovar decorative in un
vaste sala de sport quando un auditorio de 4000 (?)
personas applaudeva.

Postea le collapso de communismo in Russia nos habeva
visitate le solmente un vice, ante 2 menses in Sankt
Peterburg con un gruppa de 12 puellas e 1 puera ex le
USA, Canada, Grande Britannia e Australia de etates de
15--19 annos, guidate per le quasimarita de nostre filio.

> Anatoly Karpov es le master (grossmeister) famose de 
> chacho e mat

Es tu un shahmatist (jocator de chacos)? Io es un
"master sporta po shahmatam" finlandese e ha jocate anque
contra alicun jocatores de chacos sovietic, le plus famose
de quales era Mark Taimanov, un grossmeister (grand-maestro) e candidato
del campionato del mundo. Io sapeva
grand-maestro estonian Paul Keres. Ille moriva in Helsinki
durante su retorno ab Canada. Io era inter le escortatores
finlandese quando lor corpore era transportate a Estonia
in le nave estonian "Georg Ots". Le corpore era portate al
nave per un gruppo de officieros del marina mercantial
sovietic.  

Io ha nunquam studiate russo ma pote leger textos russe
bastante facilemente de themas familiar. Mi patre era un
grande admirator de Lev Tolstoi ben que ille boycotava
in le schola le lectiones russe al fin de 1890's quando Finlandia era un
Velikii Knyazhestvo e parte del Imperio Russe con bastante grande
suverenitate. Ille habeva 
"Voina i mir" e "Anne Karenina" in svedese, io ha anque
legite su minor obras. Io ha legite multe libros classic
russe, in plus multe casos in finnese. Mi favorito es
Mihail Sholohov e su "Tihii Don". Su stilo ha un stupende
similaritate con un grande autor finnese, Väinö Linna.

S druzheskim privetom

Allan Kiviaho
Vantaa
Finlandia

P.S.

Io ha jocate le chacos correspondential al minus con duo
jocatores ex grande urbes al Ural ma nunc non pote memorar,
qual urbes ... 

Io pensa que Yekaterinburg/Sverdlovsk es le citate ubi le
ultime imperator de Russia, Nikolai II, e su familia era assassinate. E
que les deveni interrate in Sankt Peterburg  
in le sequente julio. Io ha visitate le ecclesia al
Petro-Pavlovskii krepost ubi omne altere imperatores russe
desde Pyotr Velikii son interrate.

Alyosha Konstantinovitch Kamenski (kamen = kivi).