Obviemente Jay e Paolo vide le cosa del trinitate in differente manieras. Ego
pensa on debe calmar se un poco. Il non es le prime vice que lo que es ver pro
un persona es un mendacio pro un altere. Nos debe excercer le tolerantia hic.

Theologoc hic in Svedia - si illes non es testes - dice que le testes practica
un theologia multo mal concipite, assi toto depende de que on reguarda.

Il es obvie que on habeva problemas con le trinitate in le prime tempores del
Christianitate. Deo habeva date su filio como le Messiah del judeos. Ille era
le filio de Deo. Jesu parla de deo como su patre. "Mi patre in le celo" ille
dice in plure occasiones. Per consequente il es multo exspectabile que on
habeva problemas comprender que era le filio, era ille (un) deo o non. Varie
ecclesias tractava iste problema differente. Nos pote dicer que le humanos
probava comprender un cosa multo problematic, e le humanos legeva le
scripturas, probava comprender e faceva multes su proprie interpretationes.
Nos non pote appellar un interpretation _mentita_ e un altere interpretation
_pagan_.

Nos debe sempre facer un attitude, un position a un scriptura religiose. Le
varie libros del Sancte Biblia era producite in un totalmente altere societate
quam le nostre, humanos viveva in un altere societate, e cata lector del
Biblia face un interpretation del Biblia, desde le inspiration verbal usque un
plus exegetic vista a tote isto.

Ecce etiam un tertie interpretation, le mie.
Le christianismo es un producto del judaismo. Jesu es judeo. Ille face toto
que un bon judeo debeva facer in su tempore. Ille legeva, como le senior filio
le textos, le torah, in le synagoga, ille era circumcise etc.

In le comenciamento del christianismo le christianos era vidite como judeos.
Ego debe confessar que il durava un longe tempore usque ego plenmente
comprendeva le plen significantia de toto isto.

Como ego comprende le historia le prime christianos se congregava, persecutite
del Imperio Roman, qui non poteva tolerar que le christianos non colava le
deitates del stato. Constantin, institutionalisa le christianismo. On
approbava un crede al detrimento de altere directiones. Como il sempre occurre...

Vos ambes crede in Deo. Isto es plus que ego es capabile facer, sed sur iste
fundamento vos ha vostre cosa commun. Le altere cosas es interpretationes. Ego
vos exhorta de discuter le cosa in calma. Vos trovara que le discussion essera
multo plus amusante tunc. Pensa, como era illo possibile que on videva le cosa
assi o in un altere maniera. Vostre credes es le producto de millennios de
pensatas, de luctas con un superrealitate non sempre facile a comprender o
comprehender.

Vos crede ambes, ego suppone, que Deo es le creator del Universo. Pensa de
isto un poco. Isto non es trivia, isto es un grandissime cosa. Esque vos crede
que iste Deo, date que vos crede in Ille, se pote limitar a un sol
interpretation?! Si ego necessariemente credeva in Deo ego supponeva que Ille
es capabile parlar al varie humanos in varie manieras. Quante humanos crederea
que es Jesu, si ille veniva hodie? Certo multo pocos. On facerea como le
ancian judeos, le quales multes on poteva creder in Jesus. E del resto inter
le judeos in Europa il habeva plure personas in le subsequente seculos qui
pretendeva de esser le Messias. Vole ben demonstrar un poco de larganimitate
hic! Si vos crede in Deo Ille sta supra omne ille varie interpretationes. Vole
ben discuter los in un spirito de respecto mutual. Demanda vos, como pote il
esser que ego pensa assi, e ille pensa assi. Multo interessante.

Mi studentes, del quales multes non mesmo era christian, non appellava su
codiscutentes o lor crede mentitas. Illes pensava que le differentias era
mirific, phantastic, intrigante. Vole ben applicar un poco de ille spirito de
interesse mutual e vermente interessate e lassa le sterile discussiones de
paganitate e mentita!

Non reduce vostre credes a tal trivia!