Stanley Mulaik wrote:

> (...)
>
> Io crede que le francese ha un interesse in opponer isto.  Illes
> recipe petroleo contrabandate foras Irak per Turchia, portate in
> le centos de camiones equippate con special reservoires sub illos
> que viagia inter Irak e Turchia.

Viste que il ha un embargo il es - como io comprende - disputabile si le
contrabando de petroleo de Irak pote esser tanto importante pro Francia.
Nostre medios ha dicite nihil in re isto.

Hodie le radio reportava que on testa un bomba gigantesc "Le matre de
omne bombas" se appella, e secundo le radio le statouniteses plana usar
lo como un medio de terrification contra le irakanos (post le explosion
il se crea un nube que ha un aspecto simile a illo de un explosion de un
bomba nuclear). "E si le irakianos crede que il es un bomba atonic,
tanto melior", diceva un porta voce del armea (io crede).

On parla generalmente del facto que le guerra es un cosa de petroleo.

On nota que plure personas in le entourage del presidente ha interesses
in le industria de petroleo.

On nota que presidente Chirac ha le optime situation del politicos, il
es contra un guerra in Irak e ille ha le supporto de su population,
durante que Blaire es pro le guerra ma ha poco supporto in le population
Britannic.

In facto, dice nostre radio, Chirac ha le plus forte position de alcun
politico europee, ille es eligite de su populo, e il ha le plen
supporto.

Multe del personas qui viagiava como "scutos human" a Irak ha retornate
a lor paises domestic.

In facto le "scutos" provoca Irak a committer un crimine contra le leges
de guerra! Isto es anque un maniera vider le cosa...

Amicalmente

Kjell R