Bon vespere amicos,
 
Pardona me pro mi absentia tante tempore ab nostre discussiones.  Io es
multo
occupate con mi empleo, ma non si occupate que io non ha tempore pro
leger
vostre messages.  Io vole nunc prender alicun momentos pro exprimer mi
reactiones
al "petition de inclusion".
 
In mi opinion, le cosa non es difficile.  Il non es necessari que alicun
persona facer petitiones pro junger se a nostre lista.  Omne persona
pote
se junger a nos.  Le instructiones pro subscription a INTERLNG son
information public. Io es le "magister lista" e io non volerea vider me
ponite in le position de un censor qui deberea inforciar prohibitiones
contra individuals "indesirabile".  Usque nunc io es multo impressionate
e
multo grate per le alte nivello de nostre discussiones.  Quando io parla
con
amicos super Interlingua e super nostre lista, io les conta como
intelligente,
como polite, e como amabile son nostre membros.
 
Il es anque ver que nostre lista ha su proprie charta.  Iste charta es
information public.  Le charta offere le lista como un loco ubi personas
pote scriber super themas varie--inclusive le thema "interlinguistica".
Membros ha le libertate a scriber lor ideas e opiniones.  Naturalmente,
altere membros son anque liber a responder o non responder.
 
MA, --e mi puncto final: nostre lista porta le titulo
"INTERLNG: Discussiones in Interlingua".  Nota ben--IN INTERLINGUA!!
Si alicuno vole discuter un thema in anglese, que ille lo face foras.
Le mundo del interrete ha multe milles foros in anglese.  Nos ha
solmente UN
foro como iste lista ubi nos pote practicar nostre belle lingua. Io dice
nunc solemnemente como magister-lista que io non permittera discussiones
in altere linguas.
 
Que personas de bon voluntate veni!  Que nos parla, excambia nostre
ideas,
e deveni amicos!
 
Vale,
-- frank