Frank,
   Lo que inquieta me super le accusationes de accusator Ken Starr es un
interessante facto que le causa de Paula Jones esseva financiate per un
fundation exempte de taxas (io opina) establite per le millionnaire
Richard Mellon Schaife. Aquesto es reputate a esser un inimico politic de
Bill Clinton.  Recentemente justo quando Ken Starr esseva preparate a
acceptar un position in le facultate de lege a Pepperdine Universitate
financiate de novo per Schaife, ille declinava pro devenir le Accusator
Special.

   On leva questiones si ille coordinava detra le scenas le causa de
Paula Jones durante que ille tanto ben faceva su investigationes de
Clinton como le Accusator Special.

   Io ha audite, mais non ancora ha verificate personalmente, que le
testimonia de Clinton super su relationes con Monica Lewinsky esseva
declarate non material al causa de Paula Jones.  Si aquesto es ver,
alora le question si o non ille habeva le relationes sexual con Monica
Lewinsky es inadmissabile.  Il me pare que in aqueste situation un
homine pote solmente mentir pro proteger su secreto private contra un
causa designate a revelar le secreto super un pretention de investigar
un altere accusation.  Sin aqueste question e su responsa de Clinton,
Starr pare haber necun causa a investigar su relation con Lewinsky.
Le vita sexual private de Clinton es le affaire de necuno altere que
Clinton (e Lewinsky).  Illa non esseva abusate mais un partnario
volente, initiante le relationes con Clinton.  De facto il habeva
reportos quando le historia initialmente pareva in le pressa, que illa
ha dicite a alcuno ante partir a Washington que illa intendite haber
sexo con le Presidente.

   Crede vos que le accusator local in Florida pote accusar vos del
abusamento sexual de un femina a vostre loco de empleo, alora cerca
a revelar un affaire non connecte con le causa per peter vos si vos
ha habite relationes sexual con un altere femina que esseva totalmente
consensual mutualmente?  Qual protection de vostre secreto de aqueste
altere affaire ha vos si le judicio es tarde in declarar le question
non material al causa?

   Si le accusator pote usar accusationes como pretextos pro fortiar vos
a revelar secretos immaterial al causa, qual defensa ha vos de vostre
secretos--specialmente si vos alora menti?  Vos es damnate si vos lo
face e damnate si vos non lo face.  Io opina que on ha le derecto a mentir
si le question es immaterial. Si le Presidente es como tote homines
equal ante le lege, ille equalmente ha le derectos a usar le lege a
proteger se como qualcunque homine.


   Vos debe intender que lo que io dice es dicite con alcun tentativitate,
proque io non sape como le lege opera in aqueste situationes, e io non
ha verificate que le judicia ha declarate le relation de Clinton con
Lewinsky esseva immaterial al causa de Paula Jones.


Amicalmente,

Stan Mulaik