Salute!
Allan K. ha comenciate iste thema e io solmente desira adder alcun
vistas  personal como svedoparlante.

Io alsi trova le linguas romance multo belle e specialmente italiano con
su plure vocales. Multo cantabile! Tote parolas fini a un vocal?
Exception: "lo sport"?

Le lingua finnese debe anque sonar belle pro su plure vocales. Ma io
trova le prosodia (rythmo) monotone pro que le accento (semper?) es sur
le prime syllaba del parolas. Esque correcte, Allan? Io etiam opina que
on es influate si on comprende le lingua o non. Io non comprende
finnese.

In Svedia un pronunciation de 's' blesante (lisping) es reguardate como
un falta seriose del parlator. Pro que anglese con le plure parolas con
'th' non sona ben in nostre aures. Svedeses qui comprende e usa anglese
anque trova le usage de "do, don't, did, didn't" innecessari e multo
idiotic e irritante. "Clumsy constructions"! Le regulas como usar iste
constructiones non son multo difficile e relativemente simple a
apprender pro studentes.

In le tempores quando francese esseva un "lingua mundial", personas
educate e specialmente le "classes alte e le nobilitates" sovente usava
francese in le vita quotidian. Ancora il ha personas (in Stockholm
specialmente) qui son influite del "culture francaise" e parla svedese
con vocales nasal. Hodie - in Svedia presente - le vocales nasal, que
son characteristic de francese, evelia associationes a "snobbismo" e
attitudes non democratic. On pote regrettar iste situation - francese
debe haber un melior reputation in Svedia.

Impressionamente,
Jan
--
Jan Armann
Fagelstigen 21; S-904 21 UMEA, Sverige (Sweden)
Tel & Fax +46 (0)90771525; e-mail: [log in to unmask]
ICQ nr:785745
http://www.algonet.se/~armann