Chamavian scribeva:
> Il es ver que quando io ha devenite un membro de Interlng, il era un poco
> confundente pro me (de/a/pro/e/-*) comprender proque alcunos
> scribe 'sed', 'etiam' e 'hic', secundos 'ma', 'anque' e 'ci', e ancora
> alteros 'mais', 'tamben' e 'aqui'.
>
> Pro me, qui ama Portugese e Espaniol, e los usa (usa los?) a vices e le lingua
> francese sovente in mi vita real, iste ultime formas era le plus attrahente e
> natural.
>
> Il me semblava que on poteva usar los si on voleva, como io videva ci al lista.
> Ora io comprende que isto non es le caso...
>
Car Chamavian, io opinava, opina e opinara semper le mesmo (que tu
scribeva). Io funda mi opinion sur isto dato: le nomine original de
Interlingua esseva "Interlingua de IALA", ubi IALA significa
"International AUXILIARY Language Association". IA non nasceva pro
reimplaciar le Anglese o Esperanto, ma pro mitter a disposition de un
grande parterre de usatores un patrimonio de vocabulos commun jam
cognoscite a nivello incosciente.
Assi, secun me, le bon usator de IA debe maximisar le comprehension de
que dice o scribe, considerante le cognoscientias linguistic de su
ascoltatores.


> Isto non es un ration pro novicios (de/a/pro/e/-*) quitar IA.
> Ma le disputas sin fin pote esser lo...
>
> Iste lista es facite pro lassar novicios practicar IA, nonne, a causa de adjutar
> los e ameliosar lor uso del linguage.
> Como on pote lassar nos practicar ci a un maniera postive?
> Forsan per lassar nos traducer textos o scriber contos o poemas...
>

IA non ha Papa e non ha novicios/novitios. Le sol metro de mensura es:
si nos comprehende lo que tu scribe, o no, e si nos agrada como tu lo
dice, o no. Io lege multo attentemente tote le messages e - si io trova
alcun phrase efficace - pois io mesme lo usera. Incidentalmente, io
agradava multo tu tono legier, io spera simile al mie.


> Io va essayar (de/a/pro/e/-) traducer un conto que io scribeva in basso-
> saxon, e va demandar si vos pote corriger mi IA... Illo se appella "Le Littera"
>

Io lo expecta con anxietate, ma io non te corrigera.

Vale
robocap

--
Archivos e disabonar: http://listserv.icors.org/archives/INTERLNG.html