On Thu, 30 Jun 2005 01:32:59 +0200, Lars Rosenmeier <[log in to unmask]>
wrote:
>A proposito, io ha audite que multe gente in le Europa Est (?) ha le germano
>como lor secunde lingua in loco de anglese. (Pro exemplo alcun personas de
>Polonia que io cognose comprender melio le germano que le anglese.)
Quanto al poloneses io non sape, ma io non es secur; forsan illes parla plus
le anglese.
>Esque tu (o alcun alteres) pote affirmar o infirmar isto? (O forsan
>clarificar lo - in relation a in qual paises isto es le caso.)
Le caso con le germano vale (o valeva?) pro Hungaria. Le cognoscientia del
germano supera(va?) le cognoscientia del anglese in Hungaria ja mesmo
durante le communismo. Isto ha causas geographic (economic-geographic) e
historic a nos. Jam in le communismo veniva al major parte touristas
germanophone in nostre pais (proque le laco Balaton esseva satis incostose
pro illes), assi le plus hungaros (specialmente in ille ambiente) apprendeva
le germano in alicun nivello (generalmente multo basse, un "germano de
cocina", sin ulle grammatica, sovente solmente parolas principal).
Anteriormente le germano esseva un lingua official in Hungaria (monarchia
austriac-hungare, etc.) durante un longe tempore, assi le hungaro esseva sub
le influentia del germano assi, que nunc on pote dicer, que nos pertine in
alicun puncto de vista (linguisticamente viste le area) al mesme circulo
cultural con le germanos. Il ha multe parolas de origine german in le
hungaro (specialmente in terrenos professional del mestiero, industria
domestic, etc.), forsan isto faceva le germano plus sympathic pro le
hungaros a "apprender" lo. E on non debe oblidar, que in nostre ambiente
centro-europee le influentia (dominantia) economic de paises germanophone
(specialmente Germania) es indiscutabile anque nunc. E le nove possessores
estranier de domos rural es al major parte germanophonos, non anglophonos.
Ma io pensa, anque isto cambia se (se cambia?) con le globalisation, e nunc
- io suppone - sempre plus juvenes apprende le anglese (e forsan sempre
minus le germano). Nonobstante le germano es ancora le secunde lingua
estranier apprendite le plus sovente per le hungaros. Le position de linguas
romanic, p. ex. illo del francese es semblamente basse; hungaros non ha le
inclination (sin ille motivation) apprender linguas romanic, io pensa, isto
non es bon pro le affaire de divulgar interlingua in Hungaria. Io pensa,
interlingua non pote succeder justo pro isto in Hungaria. (E hungaros ha
contrasentimentos contra le romanianos pro causas historic, e pro isto anque
contra le franceses - vide le tractato de pace in le palatio Trianon in
Versailles, 1920 - assi forsan illes repelle omne le linguas e culturas
romanic insimul con le romaniano; io ha mesmo duo vices incontrate con isto,
quando io ha demonstrate un Panorama pro hungaros, que es lor opinion re
isto; le un diceva: "isto es in romaniano e io non sape le romaniano, assi
io non lo comprende"; le altere: "Hey, isto es tanto de character romanian!"
Assi illes forsan repellerea /repelleva interlingua.) Le plus multe hungaros
pensa assi - io es quasi certe - "proque io apprende le francese, espaniol,
etc. si io pote usar le anglese con tal gentes?" A vices on adde le germano
apud le anglese, quando il se tracta del intention a apprender linguas
estranier.
KOVÁCS Péter
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
