> > In Italia le parola _mammalucco_ o _mammelucco_ significa: homine
stulte,
> > stupide. Illo deriva ex le parola _mamelucco_: mercenario al servicio
del
> > sultan del Egypto .
> >
> > Il ha le adjectivo _locco_ que significa: persona stulte, esturdite; su
> > etymologia lo face derivar ex le parola: allocco/uluco. Io non sape si
iste
> > adjectivo ha connexiones evidente con le espaniol _loco_.
>
> Il ha le _Strix aluco_ etiam. On dice sempre que le striges es le symbolo
del
> sagessa. Forsan nostre antique patres videva le strige aluco como le stige
> idiotic. Strix stupida hahe (o plus tosto Huhuuuuu!)
>
> Strixemente
>
> Cellus

Car Cellus,
qual belle exemplo que tu nos da!
In italiano un altere typo de strigides es le _barbagianni_ o uluco del
granarios. Su etymologia es vermente explicative re tu exemplo de sagessa.
Barba + Gianni, illo es, in mi italiano regional, _barba_ vole anque
significar: vetule oncle sage, e _Gianni_ es le contraction del nomine
_Giovanni_ /Johannes. In breve le traduction litterari del uluco
_barbagianni_ es: le vetule oncle sage Johannes!.
In italiano e in mi dialecto on ha alicun nomines de animales que deriva ex
nomine de persona, per exemplo: _donnola_/ mustela ex _donna_ /femina,
domina; _Giovannino_/Johannetto es le nomine dialectal del verme del
fructos. Le _Barbaluf_: le vetule oncle lupo es le nomine dialectal de un
personage mythologic que viveva in mi montanias e in mi silvas.
An il ha etiam in svedese o in le altere linguas nomines de animales que
deriva ex nomines de persona o de parentela?

Luca Ghitti