Golvan, io non te cognosce e
io pote vider de tu erronee
declaration del credentias del
Testes de Jehovah que tu
non sape lo que tu dice. Ecce
mi responsas infra pro illes
que vole saper le veritate e pro
illes que non se interessa
in le veritate ma in le prejudicios
illes pote deler lo ora mesmo...
Williams ad [log in to unmask] ha scripte in 2000/11/06 4:04 PM:
> Paolo Castellina ha ration. Le Testes de Jehova non es christianos,
Ni tu ni Paolo ha ration. Io crede
in Jesus como mi Salvator, io spera
in ille e in ille io pone mi fide e
mi vita. In tu dicer que nos Testes
de Jehovah non es christianos tu nega
mi fide in ille. Ma Jesus Christo non
es assi, e io sape que ille me ama
e ille me da le corage pro viver mi
vita como un Christiano.
>quamquam
> illes se da le nomine. Illes non es e illes non poterea esser membros del
> Consilio Mundial del Ecclesias
Le Testes de Jehovah non ha interesse
de haber parte in un Consilio que es
plen de politica e se misce in le affaires
politic del nationes. Le Testes de Jehovah
non se face parte de necun organisation
politic o national in le tote terra,
assi como nostre leader, Jesus Christo
diceva "Mi Regno non es parte de iste
Mundo", nos non vole esser parte de necun
tal Consilio Mundial plen del pharisaic
opiniones prejudiciate.
>proque illes crede cosas extra le revelation
> biblic e extra le tradition del ecclesia christian.
>
De facto le Testes de Jehovah seque
le scripturas con plus fide que multe
altere denominationes christian. Nos
non respecta le traditiones de homines
tal como nostre leader Jesus Christo jam
duo millenios retro diceva contra le
traditiones del homines in su tempore
al terra como esser human. Que tu pone
le traditiones de homines in tanto
alte reguardo demonstra tu ignorantia
del message e le spirito del parolas
del Salvator, le filio de Deo.
> Le ecclesias christian ha le scientia necessari pro traducer le biblia. Tal
> cosa manca al Testes de Jehova.
Que sape tu del qualificationes de
omne Testes de Jehovah? Esque tu
cognosce personalmente omne lor
resumes per corde?
Que affirmation tanto ignorante!
De facto tu non cognosce me
personalmente e tu non sape
lo que io pote o non pote facer,
qual son mi qualificationes o
non son. Mira que tu face le mesme
affirmation que le phariseos faceva
in quanto al apostoles... illes
esseva personas que non habeva vadite
al scholas religiose del phariseos,
non ma illes habeva le Spirito Sancte
de Deo, e que control ha tu in re le
Spirito de Deo?
>Illo es clar ab lor traductiones del biblia.
Si? E como? Dice me lo... esque tu
sape multo in re isto, que io non te
poterea aperir le oculos, non, forsan non
poterea aperir tu oculos, tu pare esser
sec con prejudicio.
Ma que tu non vide le veritate es problema tue.
> Illo es anque clar ab lor doctrina. Lor titulo Testes de Jehova mesme es
> misconception. Le parola Jehova non existeva in ulle lingua parlate.
De facto illo es un parola in multe del
Dictionarios de linguas national. E in
multe dictionarios illo es explicate como "le
nomine del Esser Divin". Le Nomine appare mesmo
in le IED, o esque illo non es un lingua parlate...???
...forsan non tanto como espaniol, o francese e italiano,
ma le Nomine si appare in ille linguas, ha
tu un dictionario in ille linguas, cerca lo
e tu lo videra la.
>Il es
> combination del quatro consonantes del nomine divin [hebreo YHWH] con le
> vocales del parola hebree ADONAI 'mi Senior'.
>
Mira, le Y, upsilon, esseva como un
"u" francese in greco koine, ille
littera non appare in hebreo, il
non es como le "vav" del hebreo,
ma le "iota" veni del hebreo "iod".
Le "W" non appareva in alphabetos
usque le etate medie, nonne?
Assi que le representation plus adequate
esserea "IHVH" in ordine reverse,
jam que le hebreo es scripte del
mano derecte al sinistre, non como
le grec, latino o mesmo anglese e
interlingua que se scribe del latere
sinitre al derecte.
In Latino on trova le translitteration
del Nomine Divin como IEHOVAH.
Ha vidite tu le filme "Indiana Jones:
Search for the Holy Grail" :-)))
Ille quasi perdeva su vita in quanto
al orthographia del Nomine Divin :-)))
Que le judeos superstitiiose poneva
al nomine sancte differente vocales
esseva un de su traditiones. E memora
tu lo que Jesus diceva in re le traditiones
de ille false religionistas?
Jesus mesme nos inseniava a precar
in iste forma... ille diceva:
"Patre Nostre, qui es in le celos,
SANCTIFICATE SIA TU NOMINE".
zNecun hummano hodie pote esser
secur de como sep pronunciava
originalmente le Nomine Sancte
in hebreo antique. Proque?
Il es proque le hebreo del Biblia
esseva scripte sin vocales, ma
solmente con le consonantes del
parola. Assi passava le tempore
que alcun judeos esseva multo
superstitiose e cultivava le
idea de que il esseva incorrecte
pronunciar in alte voce le
nomine personal de Deo. Seculos
plus tarde le masoretas scribeva
le hebreo con un systema de punctuation
que includeva vocalisationes pro medio
de punctos addite al consonantes pro
facer le parolas plus recognoscibile
e pronunciabile, ma sequente lor
superstition illes substitueva le
vocales del Nomine de Deo con le
vocales del titulo "Senior" in hebreo.
Ma considera isto... Multe nomines
cambia usque certe grado in le traduction
de un idioma al altere. Jesus nasceva como
un judeo e su nomine in hebreo forsan esseva
pronunciate como "Ieschua", ma le scriptores
inspirate del Scripturas Grec del Nove
Testamento usava un pronunciation in le
grec koine como "Iesous". In latino il
es "Iesus" o plus modernemente "Jesus".
In espaniol on pronuncia le Nomine personal
del Christo como "Khe-sus", in portugese
de Portugal on dice "Je-susch" e in anglese
on dice "Dji-sas". Mas nos omne comprende
que ille es le mesme Jesus le Nazareno, le
Christo. Assi que si on dice "Jehovah"
o "Yahweh", le importante cosa es facer
mention del Nomine, non le pronunciation
exacte in hebreo. Quando un espaniol dice
Jesus il non importa si illo sona como
un americano del Statos Unite lo dice o
non, lo importante es le persona que on
vole mentionar pro medio del mention de
ille nomine. E lo mesmo con le Patre,
ille ha un Nomine, un Nomine que debe
esser Sanctificate e non ignorate.
> Le Testes de Jehova ha le derecto de propagar su credentia quasi-christian,
> sed illes non ha le derecto de supprimer tote opposition.
Desde quando ha tu vidite me supprimer
qualque opinion o credentia de alcun
persona. Io que sempre parla del derectos
pro parlar libere e le excambio libere
de opiniones? Tu non me cognosce e tu
non cognosce necun Testes de Jehovah si
tu dice cosas prejudiciose como iste.
Tu non comprende nihil del Testes de
Jehovah obviemente.
>Illes non debe
> esperar que tote le mundo sera de accordo con illes.
Claro que non, e il es pro isso que
nos va de casa a casa pro parlar con
nostre vicinos. Que face tu pro le
communication aperte intre personas
de differente fides? Io practica lo
que io crede diarimente, e tu?
>E illes certemente non
> debe esperar que tote le mundo va trovar agradabile lor publicationes. Le
> christian non pote tacer quando le Testes de Jehova propaga su doctrina.
>
Obviemente tu non sape lo que tu
parla o tu menti voluntarimente.
Le doctrina del Testes veni del
Biblia mesme. Si tu vole io te pote
inseniar de qual versiculo, capitulo
e libro cata puncto ha su radices.
Ma esque tu vermente vole saper lo
que dice le Biblia o esque tu es
sec e non vole vider?
> Nostre Senior parla de false prophetas (Matth. 7.15; Marc 13.22; Luc 6.22).
> E alibi in le Nove Testamento on lege de false prophetas (Act. 13.16; 2 Pet.
> 2.1; 1Joh 4.1; Apoc. 16.13).
E con le falsitates que tu hic mentiona
tu te face ipse un de tal false prophetas.
Abbracia le veritate e non menti contra
le car servitores de Deo.
>Paolo Castellina como omne le altere
> christianos crede que le Testes de Jehova es false prophetas. Paolo ha le
> derecto de exprimer su opinion.
>
Io es un Christiano. Io crede in Jesus
Christo como mi Salvator personal. In
ille io ha mi fide pro le Regno del celos.
Como es que Paolo se face un judice e me
nega esser un christiano? Jesus dice que
nos non debe judicar... e mesmo tu te
judica tu ipse con tu false accusationes.
Paolo ha le derecto de exprimer qualque
opinion ille ha. Ma io ha le derecto de
defender mi fide si ille lo attacca. O
esque on non ha le derecto de defender se
quando ille es attaccate viciosemente?
Jesus diceva que on debe tornar le facie
si on es insultate, ma ille mesme diceva
lo que le phariseos esseva e ille denunciava
lor false e insultante accusationes. Esque
io non ha le derecto de defender mi fide?
> Le Testes de Jehova crede que illes sole va essite salvate e que tote le
> altere christianos e tote le altere homines va al perdition.
Le Testes de Jehovah crede in le promissas
facite per Jesus Christo. Nos crede in le
resurrection de justos e le iniquos. E in
le establimento de un Regno pro Mille annos
que retornara iste terra al situation
paradisaic que Adam e Eva habeva le
opportunitate de appreciar, ma que iller
rejectava pro medio de su peccato contra
le voluntate de Deo. Omne persona que
pone su fide in le ver Deo e que accepta
viver per le voluntate del Creator habera
le opportunitate de viver in ille paradiso
pro medio del sacrificio exemplar del Filio
de Deo, Jesus Christo.
Tal es le credentia del Testes de Jehovah,
e assi io continua a creder. De ubi tu forma
tu opinion erronee io non lo sape, io non
te cognosce e tu obviemente non cognosce
le credentias del Testes de Jehovah.
>Secundo le
> Testes de Jehova illes mesme va esser salvate e sed tote les alteres va al
> inferno.
Le inferno? Le Testes de Jehovah non crede
in un inferno del qual tu parla. Le "sheol",
le "hades" del Biblia, es le "tumba" del
personas morte il non es un sito de tortura
eterne. Mesmo le Papa acceptava isto non
face multo tempore, nonne? Assi que le
catholicos nunc crede equalmente como
le Testes de Jehovah, proque? Proque le
Biblia non insenia un tal "inferno".
Le "gehena" es un destruction complete,
tal como lo esseva le "valle de hinnom".
Le sito ubi omne immunditias esseva
destruhite. Assi que ubi trova tu ille
falsitates? O esque tu inventa isto?
Tu non cognosce ni le Testes de Jehovah
ni le Biblia.
>Le Testes de Jehova dunque non es veramente pluralista. Le
> pluralista christian crede que le gratia inexhaustibile de Deo es aperte al
> tote le peccatores.
>
Nos omne son peccatores. Nos omne son esseres human.
Nos omne ha le offerta aperte per le gratia de Deo
de viver pro sempre in un paradiso sub le Regno del
Celos pro medio del sacrificio propitiatori del
Filio de Deo, Jesus Christo. Esque tu non comprende
isto. Como plus clar debe io dicer te lo? Il me
pare que tu solmente vole defamar e insultar e
inventar falsitates, tu non me cognosce e tu
non vole cognoscer le veritate del Biblia si tu
continua con iste accusationes.
> La libertate de expression opera due vias. Si le Testes de Jehova ha le
> derecto de promover su credentia, tunc illes qui non trova credibile lor
> doctrina ha le derecto de opponer les.
>
E como ha io promovite mi fide in iste lista?
Proque io ha facite un traduction a interlingua
del Scripturas Sacrate? Que time tu? Proque ha
tu iste timor? Esque tu non vole audir le ver
parolas del Biblia expressate in Interlingua?
Proque debe Paolo o tu opponer mi derecto de
traducer lo que io vole?
> Paolo Castellina oppone les Testes de Jehova non proque illes non le place,
> sed proque ille preferea que illes sia veramente christianos.
>
Io es vermente un Christiano, proque io preca
a Deo in le Nomine de su Filio, e tenta camminar
in le passos de Jesus Christo. Que tu opina que
io non sia un Christiano es solmente tu prejudicio.
Qui te faceva un judice? Que Deo te judica a te
pro tu accusationes que son anti-christian, io
solmente preca a Deo que ille ha patientia con
te si tu face isto proque tu non comprende lo
que tu face.
> Io es completamente de accordo con Paolo.
> Io senti assi fortemente que Paolo ha ration que io scribe isto, mi prime
> message unquam al gruppo de discussion.
Ah, si, e il non me importa un minime cosa
si tu accorda o non con Paolo, ma quando tu
insulta mi credentias tu pote sperar que io
va responder adequatemente, e io te commenda
pro scriber in Interlingua, lo qual tu faceva
bastante ben e multo legibilemente. Continua
tu messages, ma per favor considera mi responsas
e forsan nos trovara que le differentias de
opinion non debe divider nostre respecto un
pro le altere.
> Io pete tote le membros de pardonar si io non me exprime correctamenta in
> Interlingua.
>
> Golvan (peccator anglican)
>
Como sempre, sincer e amicalmente,
sperante que le persecution del Testes
de Jehovah non ha un placia al lista
de INTERLNG, un sito ubi io ha trovate
multe amicos tolerante e benevolente.
Sincermente,
Jay B.
|
