Io anque ha finite le prime version del quarte parte
de iste curso, que essera le prime medietate del curso
complete. Io ha inviate mi prime version del tertie
parte a Thomas Breinstrup, e tosto io le inviara le
quarte.
---
SCENA 1: Catherina e Petro parla sur lor travalio.
Petro dice que ille non la ha vidite pro multe
tempore. Catherina dice que le causa de isto es que
illa ha essite multo occupate. Petro responde que,
infelicemente, ille non ha multe a facer.
Catherina demanda a ille qual es sur su agenda pro le
septimana veniente. Petro responde que mercuridi ille
va facer un viage de tres dies a Paris. Hodie ille va
interviewar un possibile secretario/receptionista.
Ultra isto, ille ha nullo a facer.
Petro trova isto un pauco deprimente. Catherina
essaya comfortar le, dicente que le compania vermente
non ha comenciate su operationes e ante multe tempore
omne le personal essera plus occupate.
Intertanto, illa invita que Petro la accompania pro
vider le centro informatic. Ma Petro non pote facer
isto proque Catherina vade illac durante le hora de su
interview. Al fin del scena, Petro es enoiate, non
sapente lo que ille pote facer pro occupar se.
---
SCENA 2: Le officio de Geneva: Petro interviewa
Francesca pro le position de secretaria. Ille
comencia per offerer un cafe a illa, e postea ille
comencia su questiones.
Primo, ille vole saper lo que illa face in iste
momento, como illa usa su linguas, qual es su
velocitate como stenographo, qual es su velocitate in
claviar, si le claviation place a illa.
Finalmente, ille la demanda si a illa place travaliar
independentemente e proque illa vole un position nove.
Petro tunc dice gratias a illa e la informa que illes
la notificara al fin del septimana.
---
SCENA 3: In iste scena Petro e Catherina mangia in un
cafe presso lor officio. Petro pensa que Catherina
pare multo juvene pro occupar un position con tante
responsibilitates in le compania, e ille la demanda
unes informationes assatis indiscrete: qual esseva su
etate e si illa unquam voleva maritar se.
Catherina responde de un maniera multo candide, e
postea parla a Petro sur su interview con le candidata
pro le position de secretaria. Petro crede que illa
esserea un secretaria ideal.
Catherina solmente vole assecurar que illa pote
comenciar su travalio ante multe tempore proque illes
ha besonio de alicuno immediatemente durante que illes
aperi lor officio in Geneva.
---
SCENA 4: Petro es con Catherina. Ille se preoccupa
multo sur lo que va passar post que Alicia arrivara a
Geneva si le telex que ille la ha inviate arriva
troppo tarde.
Catherina sympathisa, ma illa dice que illa non
haberea objectiones contra facer le cognoscientia de
Alicia. Petro tunc monstra Catherina un annuncio pro
le position de un ingeniero in Mexico. Ille volerea
facer un solicitude pro le position proque ille non ha
assatis a facer, e ille deveni inquiete.
Ille demanda a Catherina si illa le darea un
referentia si ille contactava le compania que offere
iste position, e illa dice que illa esserea felice de
facer lo.
---
SCENA 5: Paris, al Hotel de Pierre: In iste scena
Petro ha unes problemas con le empleato in le area de
reception del hotel, qui es minus que cooperative in
verificar su reservation e in facer le sentir
benvenite.
Finalmente, post plenar un formulario, Petro es
obligate a pagar anticipatemente ante que on le da un
camera pro dormir.
---
SCENA 6: Paris, un centro de conferentias: Petro es
nunc in le sala de conferentias e cognosce Gerardo
Florette pro le prime vice. Petro demanda a Gerardo
si su viage a Paris in avion esseva comfortabile e si
a ille place su hotel.
Petro dice que su avion arrivava tarde e que ille
habeva unes difficultates con le empleato del hotel
ante que ille recipeva le clave a su camera.
Gerardo anque demanda a Petro como sta Catherina e
postea dice a Petro que le conferentia non ha ulle
nove productos o systemas a offerir a su
participantes.
Petro tunc vide le senior Melville, le empleato de un
compania competitor con le sue, e il pare que illes va
haber un lucta verbal.
__________________________________________________
Do you Yahoo!?
Yahoo! Platinum - Watch CBS' NCAA March Madness, live on your desktop!
http://platinum.yahoo.com
|
