A Ensjo:
In le archivos de Interlng io lege mi mesage "le die del bomba" in iste
modo:

SXN0ZSBtYXRpbm8gYWwgNyBlIDMwIGxlIGNpdGF0ZSB2 etc.

Un poco difficile a intender, nonne?
E io pensava de haber create enoio al amicos del lista, totevia sin
voluntate.
Pote esser le causa que io utilisava le adresse pro le qual io ha demandate
de non reciper provisorimente le posta?

A Pawel e tote le contributores:

Heri matino, durante le operationes de dispolettamento (dis-fuse) del bomba
de 250 kilogrammas, sonava alcun vices le sirenas. Isto era abundantemente
pre-avisate in le dies passate, pro indicar le fases del operationes.
Totevia io pensa que multe citatanos de mi etate,  e plus vetule, habera
advertite mi mesme senso de angustia al sono del sirenas. Io proba le mesme
angustia quando in le celo passa un rar avion con le motores a helice. Illo
ha un ruito surde totalmente particolar quanto il se tracta de un avion a
plus motores, troppo simile a illo imprimite in mi memoria de puero qui
viveva subtus le bombardamentos aeree.
Heri io non debeva lassar mi domo, perque illo era justo al limite del zona
de periculo e totevia io abandonava le citate, perque le atmosphera me
angustiava.

Un particular interessante referite in le journal de heri. Il pare qua alcun
bombas non explodeva perque le italoamericanos al cargar le bombas in le
aviones, con lor chewing-gum impedeva al spoletta (1) de provocar le
explosion al contacto del solo. Iste aspectos, ver o non ver, face de un
qualcunque guerra un realitate que es mal supportate del ambe le partes.
Io crede que on non cognoscera jammais le ver causas de un guerra.

(1) pro le italiano spoletta, anglese fuse, io trovarea le interlingua cocon
que non me sactisface. Forsan micca?

Mario, qui retorna in lethargo


------------------------------------
----- Original Message -----
From: "Pawel Wimmer" <[log in to unmask]>
To: <[log in to unmask]>
Sent: Monday, September 09, 2002 4:00 AM
Subject: Re: le die del bomba


> > -----Original Message-----
> > From: INTERLNG: Discussiones in Interlingua
> > [mailto:[log in to unmask]] On Behalf Of
> > [log in to unmask]
> > Sent: Sunday, September 08, 2002 8:15 AM
> > To: [log in to unmask]
> > Subject: le die del bomba
> >
> ...
> > Uno del 2,636 bombas discargate supra Treviso le 7 april del 1944 per
> > 159 aviones B-17 del 15-me Fortia Aeree statounitese.
> > Iste bomba non explodeva al impacto al solo illo die e se celava
> > solmente.
> ...
>
> Isto es un paradoxo - le poloneses vide Italia ante toto como pais del
> cultura, arte, moda, civilisation vetule e grande - scriptores, poetas,
> pictores, scientistas, compositores - e alicunes non pote creder que
> Italia durante le guerra era formalmente un inimico, como germanos. Io
> non cognosce mesmo un persona qui tractarea le italianos del periodo de
> guerra como adversarios - al contrario, on les vide como victimas de
> iste conflicto. Le reaction del population italian al entrata del
> fortias alliate prova isto emphaticamente. Iste attacco de bombatores
> pare un absurditate.
> Pawel
>