d[010202] x[Allan Kiviaho] KivA-122
s[Re: Necun Bandiera pro Interlingua!]

[log in to unmask]

---------------------------------------------------------------
Jay Bowks 010130: Io non da mi fidelitate a necun bandiera, sia
illo national o international. 010130: Io non lo usara. Gratias
pro le pensatas in re un bandiera pro interlingua, si illo
deveni un realitate illo non essera mi realitate.
---------------------------------------------------------------

Car Jay, conforme a un proverbio international "un
pictura dice plus quam mille parolas". Specialmente in
le sitos de Interrete un bandiera es un efficiente
attrappa-reguardo.

Un bon exemplo pro isto es le sito
    http://www.travlang.com/languages/
con ca. 85 varie linguas. Con succurso de bandieras on
trova le linguas multo plus facilemente quam con le
nude nomines. Litteralmente a prime vista.

Per exemplo le bandiera de Israel adjuta a trovar le
hebree e jiddish immediatemente.

---------------------------------------------------------------
Jay 010130: On non vide un bandiera pro espaniol, o francese,
portugese, italiano, o anglese etc [1]. Melior haber bandieras o
logos del negotio e non pseudo-nationalisar un belle lingua
international [2].
---------------------------------------------------------------

[1] In http://www.travlang.com/languages/ on trova un
bandiera pro omne iste linguas, i.e. lor bandieras
national. In Finlandia e alterubi in Europa io ha
sovente vidite in botecas signos con texto "English
spoken" e un bandiera de Grande-Britannia.

Le bandieras de Asturia, Euskara, Catalonia, Frisia,
Galicia, Occitan, Swahili, Cymraeg refere fortemente a
un lingua etsi etiam a un populo in minoritate.

[2] http://www.travlang.com/languages/ ha bandieras
pro sequente LINGUAS: Esperanto, Eurish e Ido.

In iste companion Interlingua appare se miserabile.

Io pensa que un bandiera de Interlingua esserea un
adjuta pro promover nostre lingua in travlang.com,
nonne?

Salutante

Allan