INTERLNG Archives

Discussiones in Interlingua

INTERLNG@LISTSERV.ICORS.ORG

Options: Use Forum View

Use Monospaced Font
Show Text Part by Default
Show All Mail Headers

Message: [<< First] [< Prev] [Next >] [Last >>]
Topic: [<< First] [< Prev] [Next >] [Last >>]
Author: [<< First] [< Prev] [Next >] [Last >>]

Print Reply
Subject:
From:
"Ensjo (Emerson José Silveira da Costa)" <[log in to unmask]>
Reply To:
INTERLNG: Discussiones in Interlingua
Date:
Fri, 21 Nov 1997 12:44:38 -0200
Content-Type:
text/plain
Parts/Attachments:
text/plain (52 lines)
D. Petro II succedeva su patre D. Petro I como le secunde e ultime
imperator de Brasil. Ecce un extracto curiose de un revista recente
ubi un recercator revela le interesse de D. Pedro II pro
disveloppamentos scientific.

    (...)
    Era le inexhauribile interesse de Pedro II pro le novitates
technic e scientific que le duceva, in 1876, durante su secunde viage
al exterior, al Exposition Universal de Philadelphia, Statos Unite,
realizate pro commemorar le centennario del independentia american e
pro cuje inauguration ille era specialmente invitate per le
governamento republicano del presidente Ulysses Grant. Quasi tote le
paises, inclusive Brasil, era representate in le exposition, e in su
paviliones on poteva vider lo que de plus avantiate era producite in
le epocha, ab technicas de horticultura a machinas e inventiones. Ma
il habeva spatio tamben pro le nationes que, mesmo non essente al
linea de fronte del progresso, exibirea lor "exotismo", tanto
appreciate per le spirito encyclopedic del fin del seculo passate.
Illo era le caso del sector brasilian, que presentava productos
agricole, manufacturate e artisanato. "Dom Pedro II era le unic chef
de Stato qui appareva al exposition, ergo ille recipeva hominages
apotheotic del populo american", conta Júlio. "La ille poteva examinar
microscopios, lunettas, mechanismos de horologios, machinas chinese de
texer seta e mesmo conversava con Thomas Edson super un certe ingenio
que produceva sonos."

    Inter le diverse novitates exponite, Dom Pedro II se interessava
specialmente pro le invention de Alexander Graham Bell: un apparato
que permitteva le communication inter duo personas a transverso de un
filo, plus tarde baptizate con le nomine de telephono. On conta que,
in experimentar lo, le imperator, surprese, haberea dicite: "Sancte
Deo! Isto parla...". Enthusiasmate, ille offereva a Bell un expressive
amonta in moneta pro que ille perfectionava su invento, con le
condition de que Brasil serea le prime pais a utilizar lo. "Le
inventor compliva le promissa", rememora Júlio. "Multo ante le
telephono esser commercializate in le mundo, un apparato era
installate al palatio de São Cristóvão e altere al ferma Santa Cruz,
del familia imperial."
    (...)

Allegra!
--
   ENSJO*: EMERSON JOSÉ SILVEIRA DA COSTA
  E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
 UIN ICQ : 713833   [* "sj" pronunciate "sh"]

INTERLINGUA - lingua auxiliar international
    Info : http://www.interlingua.com
 Grammar : http://www.nautilus.com.br/~ensjo/interlingua/english.html

ATOM RSS1 RSS2