d[000216] x[Allan Kiviaho] KivA-02F
s[Declaration de amicitate in le lingua eternal]
[log in to unmask]

Aamulehti (Jornal Matutinal), uno del plus grande
jornales in Finlandia e un parte de nostre
corporation, habeva heri le sequente nova:

===============================================
"YSTÄVYYSJULISTUS IKUISELLA KIELELLÄ"
"DECLARATION DE AMICITATE IN LE LINGUA ETERNAL"
===============================================

HUC NIHIL MALI INTRET!
"Que nihil mal hic entra!", on vide in le scriptura
sur le pariete. Latino es suitabile pro un lingua de
expression e in musica rock e tangos, pensa Dr Jukka
Ammondt.

Doctor Jukka Ammondt, qui insenia scientias de
literatura in le Universitate de Jyväskylä visitava le
Schola Classic de Tampere pro aperir le die del
amicitate.

Il ha 200 juvenes in le schola qui studia latino, assi
on non haberea potite aperir le die le plus justo. In
effecto Ammondt cantava insimul con le pupillos le
canto immortal de Elvis Presley, Love Me Tender, in
latino: Tenere me ama.

Le pupillos del "Klasu" (como le schola es nominate)
cantava le "hittibiisi" (un argot in finnese pro "hit
piece") ex le texto que era projectate al schermo
equalmente sensibilemente como le Doctor Ammondt ipse.

- Le finnos pronuncia latino le plus clarmente de omne
  nationes, que poterea esser le causa, Ammondt se
  demanda.

Post le representation un parte del pupillos
spontaneemente embraciava le unes le alteres pro
honorar le die del amicitate.

Laura Raiko, 14 annos, deveniva tal enthusiastic de
aperir de matino que illa subinde comprava un disco
de Ammondt.

- Forsan on pote apprender plus de iste lingua. Le
latino es ja plus difficile quam multe altere linguas
a causa de flexiones complicate, sed io pensa que
illo es multo interessante, Laura Raiko diceva.

-----------------------------------------------
Le Papa deveniva enthusiastic de tangos finnese
-----------------------------------------------

Jukka Ammondt, que ha recordate cantos de Elvis e
tangos finnese es un celebritate etiam foras le
frontieras de su pais.

Pro le collection "Tango Triste Finnicum" Ammondt e
le traductor a latino Teivas Oksala (un famose
latinista -- Allan) recipeva un medalia de honor del
Papa Johannes Paulus II.

Ammondt ha representate multe vices in Buenos Aires,
Argentina, al Academia National de Tangos e inter
alii al Ambassada de Finlandia in Washington e in
Bruxelles al occasion que era organisate per le
Consilio Europee.

- Le characteristicas finnese son refinemente presen-
tate per tangos, Ammondt accentua.

Cantate in latino etiam le parolas son melio sapite
per le estranieros. On ha agilemente addite nove
parolas al latino, ergo il es possibile a traducer
ulle canto a latino.

Doctor Ammondt ha multe ideas pro nove recordes in
latino sed pro le momento ille tace de illos in omne
linguas.

Le proxime objecto de Ammondt es Milano e Japon. Le
visitas estranier debe ha loco durante le vacantias.
Ab le Schola Classic Ammondt debe hastar a Jyväskylä
pro lectiones que comencia post duo horas.

----------------------
Le plus grande es amor
----------------------

Ammondt musicava jam durante su juventute in
orchestras sed su parentes voleva que su filio
studiarea pro un profession.

- Post mi divorcio io trovava le tango, trans que io
tractava mi poprie dolo e io trovava mesmo belle
partes de isto.

Como on dice in le Biblia, le plus grande es amor.
- Amor maximum in vita est, dice Ammondt.

Ille vole rememorar al gente que amicitate es amor e
que le parola amor ha un plus grande significantia
quam es generalmente sapite.


Salutante
Allan

P.S.
Io ama latino sed Beethoven, Mozart e Schubert plus
quam tangos ...