Car Amicas e Amicos,

io scribeva: "Stan nos demonstra que scriber de illo que es scribite ab le
origine, facer lo e postea lamentar se pro isto, recercar un placia plus
adequate un prime vice e illos successive, es simplemente un perdita de
tempore."

E Stan se pone un problema: "Io non comprende isto, Mario.  Si il vos
place, lo explica, o dice lo in altere parolas.  Que es "es scribite ab le
origine"? "

Ecce le explication:
A initiativa de alcunos qui es inscribite a iste lista e alsi al coollist,
nos lege un assidue recommendation : per favor, non tractar themas
grammatical e re le vocabulos in le lista interlng.
E le ration?
Eh! Le susceptibilitate del adherentes al lista interlng poterea haber
ration de lamentar se. Alteres poterea abandonar le lista.
Io comprende iste preoccupationes e io es de accordo in particular pro non
enoiar necuno.
Ma io non suffre le sermones!
Nonobstante isto, le lista resta le gymnasio pro exercer interlingua. Un
uso del themas grammatical, o de vocabulario, es necessari pro le exercitio
del lingua.
In le lista uno non scribe pro publicar como un autor, con tanto de copyright.
Illo que rumpe (oh! le italiano rompe!), illo que pote irritar le personas
es le obstination in developpar le themas, como: ego, ego, ego, ego, ego...
aquello, aquello, aquello...
Io ha mi responsabilitate in iste comportamento. Io non me subtrahe e io
agraderea non provocar polemicas.
Anque illes qui sermonisa, totevia...
Io deberea usar le lista coollist.
Ma, si totos sera inscribite anque in iste lista, totos recipera mi
messages e io restara equalmente un contributor enoiose!
Le solution alternative non es illo de interdicer iste themas.
Un acto de politessa poterea esser illo de moderar se, de facer un recerca
in le archivos del lista interling, trovar le solution del thema, evitar de
reproponer le mesme subjecto, per exemplo ego o aquello. Pro obtener isto,
nos debe haber un bon systema de archivo, como illo de interling.
Nostre computers non debe substituer le archivos del lista. Le nove
adherente non pote consultar archivos que ille non possede jam.
Le contribution al lista coollist es simplemente un dispersion de energias
e non tutela illes qui agradarea de non patir themas grammatical, et cetera.
Forsan nos totos, in realitate, haberea necessitate de usar melio
interlingua. Quando io lege per Piet Cleij: "Io es inclinate a acceptar
iste sorta de parolas, benque io senti sempre un pauco
de hesitation." o "Le practica del 50 annos passate monstra que certe
parolas ha morite o mesmo nunquam ha vivite." io proba un sensation de
solidaritate con mi errores e postea io pensa que "io es propense" haberea
essite melio de "io es inclinate" perque le Turre de Pisa es inclinate e
uno de nos es propense o favorabile; como io pensa que era melio scriber
"le parolas es morite", con le conforto de Gode: "Hugh E. Blair es morte"
in Novas de Interlingua, Numero 2, april 1967, per Stanley Mulaik, Sun, 30
Jan 2000 13:27:54 -0500.

Pro isto que precede, con "Stan nos demonstra que... " io voleva dicer:
Stan nos demonstra que scriber re cosas jam scribite, que on ha jam
scribite per exemplo il le grammatica, in le IED, in le archivos del lista
interlng, lamentar se de illo que tu mesme - uno qualcunque - ha scribite,
facer distinctiones inter le listas interlng e coollist, recommendar de
usar un lista sol pro introducer le thema e postea le secunde lista pro
intervenir altere vices, tote isto es un belle perdita de tempore, es
paternalismo, es manco de respecto del placer de totos de scriber in
interlingua, sin facer se precaution plus del necessari.
Illes qui sape jam toto, o se complace de restar e adjutar, o pote anque
lassar le lista. Que face illes, le custodes?
Illes qui es nove, usara interlingua pro apprender lo e como illes pote
usar lo; ma illes qui jam cognosce interlingua deberea usar lo in interling
pro demonstrar in le practica como illo se debe usar, sin aquello, sin ego,
sin le Turre de Pisa, etsi quicunque pote sempre committer errores. Io
inter le primos.
Alora, Amicos, benvenite al tolerantia, al passion pro interlingua e a iste
lista e si Piet Cleij ha necessitate de exponer le resultatos de su
recercas, benvenite a su message, ma assi, con simplicitate, sin
preambulos, sin distinctiones: esque ille non tracta de illo que es jam
scribite per Gode e compania?
Libere Piet de facer lo, ma le choro: Bravo Piet! De accordo Piet! se
refere a un del poco vices que ille scribe e pro explicar que ille usa le
normal regulas de interlingua pro le construction active del parolas.
Pro aptere, apteros, apterologia, apterologo? Benvenite etiam a isto!

Scribe e sia felice e non rompere!
Ecce, es le facto de non rompere que deberea esser le sol cosa de
considerar ben.

Rompere es rumper, franger, molestar, dar enoio, o molestia, o pena, como
anque perder le patientia, irritar se. Docer!
E io, iste vice, ha vermente "rotto" (rumpite)!

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789