Luca Ghitti wrote:

> Un curiositate linguistic:
> Le k hodie in italiano es usata a vices in le nomines de persona, super toto
> illes del politicos, pro indicar un abuso de potentia. Per exemplo, le ex
> presidente Francesco Cossiga, ille es scripte Kossiga, per su adversarios
> politic. E anque le ex prime ministro Silvio Berlusconi es hodie scripte
> Berluska .

Ha isto alcun signification? Existe il un parola _Berlusca_?

> Isto es debite probabilemente per le influentia del gemano in le passato. Le
> domination de germanos e austriacos durante le seculos in Italia ha site
> oppressive e le parolas german essente multo plen de ka ha devenite un
> synonymo de brutalitate e prevarication, per exemplo: kaputt, Kaiser.
>
> Un altere recente problema re le ka in italiano es su uso in le parola kilo,
> in italiano _chilo_ . Un documento ministerial voleva imponer le uso del
> parola kilo in le documentos official, per standardisar se al uso del Union
> Europee. Tosto multe linguistas e eruditos se ha opponite contra iste
> cambiamento linguistic per medio del lege: kilo in vice de chilo?, qual
> immunditia, qual horror!

(Loco pro expression blasphemic). Ego me senti quasi inclinate a devenir un
forte antiintellectualista! Le intellectuales ha habite un tendentia
contravenir omne novitates rational. Antea il era le reforma del orthographia
del germano e nunc le multo rationale scriptura de _kilo_ in vice de _chilo_.
Kilo es le parola international.

Ego ha legite que quando le franceses introduceva le systema decimal on voleva
que illo non habera un aspecto francese ma justo _international_.

Differente del tempore presente, Svedia era multo rapide in acceptar le systema
metric, o decimal. Le kilos era introducite jam al fin del 19-e seculo.

Ego pote quasi memorar mi instructrice del secunde classe (grado in alcun
paises) del schola, quando illa nos narrava que le cm e le km etc. era
abbreviationes international e pro isto debeva esser scribite sin le puncto,
que in ille tempores passate era de moda. Si ego me non erra, nos al presente
in Svedia nos trova in un periodo de punctos (ma non al abbreviationes
international!)

Cellus amator logicae