EURO MP IN INTERLINGUA CONTINUATE
PRO 11 DECEMBRE 1998

Per Tony Robinson
Traducite per Stanley Mulaik

Le Commission es urgite a investigar le assertiones que Turchia blocca
per ruito le transmissiones per le station de telediffusion curdese
basate in Brittania MED TV.

Le portavoce socialista in le Committee EP de affaires estranier, Gary
Titley, ha introducite un question parlamentari super un declaration del
Commission que illo requireva evidentia forte de bloccage ante que illo
poterea inviar planctos al autoritates turchese.

Sr. Titley vole que le Commission interprende  un tal inquesta proque
MED TV 'non ha le moneta necesse pro assecurer le evidentia detaliate
del fonte de aqueste bloccage'.

CAMPANAS DE NUPTIAS!

Membros del Partito Labor Irlandese va tener un congresso sabbatto le 12
de decembre in le Sala National de Reuniones, Dublin, pro decider un
fusionamento con le Partito del Sinistra Democratic.

Le Sinistra Democratic va tener un congresso similar in Dublin le mesme die.

Si ambe Congressos appoia le fusionamento, le nove Partito Labor essera
lanceate in februario del anno proxime.

NOVE LIGAMINE INTER BELGICA E LAPONIA

Un ligamine pro shopping a Natal inter Belgica e Laponia, promovite per
duo europarlamentarios socialista, essera aperte sabatto le 12 de decembre
pro le saison festive.

Le ligamine de botecas in Kortrijk va render capace compratores belge a
comprar donatos de Laponia - e a venir in contacto con Sancto Nicholas
per e-posta.

Europarlamentarios Phillippe de Coene de Belgica e Reino Paasilinna de
Finlandia ha le appoio del Bureau Postal finnese e le compania de
telecommunication finnese Sonera.

TAUROS PROHIBITE

Un prohibition del exportation del carne de boves a causa del maladia
de vaccas folle affice le vendita de tauros portugese pro uso in
corridas de tauros espaniol, dice un europarlamentario.

Socialista portugese Jose Barros Moura defia alcun prohibition de exporto
de tauros de cursos de tauros.  'Tal tauros non es primarimente intendite
pro consumption human,' ille dice.

Ille appella pro un decision del Commission concernente tal incidentos
'que indica que le autoritates espaniol, rendente se al pression del
productores del pais, ha restringite libertates del Communitate in
regardo al exportation de tauros de Portugal a Espania.

LE FERIAS DE NATAL PRO EURO MP

'EURO MP' va a ferias de novo - con un pausa que va indurar usque a 1999.

Le proxime edition de 'Euro MP' es planate pro le 8 de januario 1999.

Nos vole nostre lectores de tote le partes del mundo le felicissme de
ferias e le melio de nove comenciamentos.

FIN

[log in to unmask]
Mobile: +32-75257410

Traducite per Stanley Mulaik


EURO MP es postate al gruppo de novas talk.politics.european-union.