d[000211] x[Allan Kiviaho] KivA-02A
s[Cattos del Imperio - Reichskater]
[log in to unmask]

Sig Löfstedt 000206:
Como votava tu Allan e como votava tu sposa??
------------------------------------------------------
Allan Kiviaho 000210: He-he, Sigge, nos ha electiones
secrete in Finlandia ... Totevia io pote confesser que
io, mi sposa, nostre filia e su fidantiato e le quasi-
marita de nostre filio (5 de 6) votava pro Tarja le
Rubie. Solmente nostre filio manteneva que ille habeva
votate pro Esko Aho. Su quasimarita diceva que nostre
filio non plus habeva un asylo de nocte ...
  Nostre filia habeva fortiate su fidantiato a votar
pro Tarja Halonen.

Sigge 000209:
Io voleva scriber que illa ha "vivite in peccato" un
grande parte de su vita, habente un filia extramarital
(*1*) e anque un amante (*2*), un homine qui se va
mover con illa (*3*) a in le bellissime nove domo
presidential in Helsinki.
------------------------------------------------------
Allan: (*1*) Iste filia studia in London. Quando on
diceva la que su matre habeva essite electe presidente
illa reageva tepidemente: "Oh, that's cool ...!".
Quando on la demandava si illa vaderea a Finlandia in
connexion de inauguration de su matre illa respondeva:
"Si, si la matre invia pecunias". Le filia es un
maestro del gymnastica rhythmic. (*2*) Tarja Halonen
vive in un appartamento customari in quartieros del
classe de obreros. Su amante vive al mesme etage - sed
detra le ascensor. (*3*) Con illa move etiam duo
cattos de passato dubitose, illes era errate e sin
casa usque Tarja Halonen illes salvava. Illes son nunc
nominate como "le prime cattos del republica", como le
famose "Socks" de presidente Clinton. Le nomines de
cattos presidential de racie mixte son "Rontti" e
"Miska".

--------------
Tarja le Rubie
--------------

Tarja Halonen pertine al extreme flanco sinistre del
Partito de Socialdemocrates. Como studente illa
participava al occupation del Vetule Casa de
Studentes in 1960'es. Quando le congestion era enorme
e illa debeva ir al examination in le universitate
illa lassava le casa per le fenestro del W.C. e cadeva
directemente in bracias del policias ...

Isto era le prime vice in le historia de Finlandia
quando grande massas de conservativos votava pro un
candidato del (quasi) extreme sinistre.

Io votava pro illa proque illa es multo diligente,
talentose e proficiente, extremo honeste, quasi le sol
politico qui io ha unquam vidite qui semper da
responsas directe al omne questiones e illa es anque
un persona multo human - pensa le cattos del
republica.

Su contra-candidato era Esko Aho, le previe prime
ministro, qui conduceva Finlandia con methodos
draconic tra le terribile catastropho economic al
initio de 1990'es. Esko Aho es un politico multo
saisonate. Ille sempre responsa a questiones con
phrases cave. Le organisation de election de Esko
Aho habeva construite un campania in stilo stato-
unitese, su roba e manieras era maximemente polite.
Su expressiones minutiosemente precalculate.

Su phalanges consisteva certe elementos dubitose,
como un ex-miss Finlandia, Anne Pohtamo, qui
accusava Tarja Halonen que illa es "troppo
liberal". Anne Pohtamo etiam accentuava le "valutates
christian" - Tarja Halonen non es un membro de
ecclesia - sed non poteva explicar que era tal
valutates christian exactemente. Sed Tarja Halonen
ha essite presidente o altere functionario in un
myriad de differente organisationes human, alicunos
de illos mesmo christian.

In Finlandia hodierne esser un burgese o socialista
non significa multe. Le presidente del "Kokoomus",
un partito conservative e le ministro de tresoreria,
Sauli Niinistö, ha como vice ministro de tresoreria
un communista (!), Outi Siimes, un dama brillante,
qui ha un grado academic in economica national.

Tarja Halonen se move inter le populo con metro e
tramvia, vestite con un caschetta e portante alimentos
in un sacchetto de plastic a casa pro su cattos.

-----------------------------
Tarja Halonen e Javier Solana
-----------------------------

Tarja Halonen era un multo bon ministro de affaires
estranier durante que Finlandia era le stato presi-
dential del Union Europee.

Io ha stupefacte proque Javier Solana, le
ex-secretario del NATO semper batteva e basiava Tarja
Halonen quando ille la incontrava usque io legeva que
Tarja Halonen e Javier Solana son vetule amicos del
periodo quando Tarja Halonen era le secretario general
del SYL (Suomen Ylioppilaskuntien Liitto = Union del
Corpos de Studentes de Finlandia).

------------------------------------------------------
Le prime presidente del nove millennio debeva esser un
femina!
------------------------------------------------------

In Finlandia le feminas obteniva complete derectos
politic in 1907, como le prime stato del mundo, sed
solmente quasi 100 annos postea Finlandia obteneva le
prime presidente feminin. Finalmente le feminas fin-
landese votava in massa pro un femina, inobservante le
convictiones politic. Le feminas e le juventute de
Finlandia faceva Tarja Halonen le presidente.

Que viva le cattos de Mäntyniemi (le residentia
presidential de Finlandia)!

Allan