Quoting Automatic digest processor <[log in to unmask]>:
>
> Date:    Wed, 11 Sep 2002 00:40:25 +0200
> From:    Pawel Wimmer <[log in to unmask]>
> Subject: Mi catta interlinguistic :-)
>
> Mi catta ha 19 annos e 4 menses. Iste etate es certo conditionate
> geneticamente ma io pensa immodestemente que io es un bon curator de
> illa :-)

[deletion]

Da a tu catta mi congratulationes pro su longe vita.  Io equalmente
es un amator de cattos.  Mi sposa e io ha duo cattos, Zack e
Bentley.  Zack es le extraverto.  Ille es parte siamese con oculos
blau, mais ille ha colores de blanca, nigre, e brun. Ille es un
multe belle catta.  E ille es multe affectionate.  Ille ama a seder
se super mi pectore quando io me sede in le sofa. E ille "pur-r-re"
multo forte, quasi como un motor.  A vices ille va montar mi humero.

Bentley es multo timide.  Quando extraneeros veni in le casa, ille
curre pro celar se sub le lecto in nostre camera a dormir. Mais ille
es affectionate con nos. Su color es "tigre", un variante de jalne.
Mais Bentley ha un characteristica inusual.  Quandocunque ille vide
que Zack recipe le attention de nos, ille essaya a reciper lo tamben.
Si, per exemplo, Zack ha sedite se super mi pectore quando io sede
in le sofa, Bentley va venir e lentemente intruder super mi pectore
tamben, como si io va rejicer le.  Mesmo si Bentley es confortabile
super le gremio de mi sposa, si ille vide que Zack se sede super
mi gremio o super mi pectore, ille va partir le gremio de mi sposa
e curre a me, alora lentemente intrude in position super mi pectore.
Finalmente Zack es disguste e parti.  Illo debe esser un characteristica
que Bentley habeva desde un catton al tettas de su matre. Ille non
va lassar alteros in le ventrata excluder le de nutrimento o affection.

Ambe cattos es bon amicos con le un le altere.  Quando illes dormi,
illes dormi insimul in un imbraciamento affectionate.  E illes va
leccar le un le altere pro nettar le un le altere.

Isto es nostre secunde par de cattos.  Previemente nos habeva un
fratre e soror.  Le catto superviveva a 16 annos e le catta a
19 annos.  Io crede que un par de cattos es divertente, un fonte
de multe affection, e interessante de observar in lor interactiones.
E illes es un companion al un le altere.