Car Amicas e Amicos,
que succede a iste lista durante iste mense de Novembre? On scribe poco in
Interlng ultimemente.

Ha vos legite le secunde de copertura del ultime numero de Panorama? Il
poteva succeder me que me veniva un colpo!
E totevia era io ille qui se trovava al honor del chronica. Gratias!

Iste matino io ha poc voluntate de facer un qualcunque cosa. E assi era in
iste ultime dies. Il non debe esser causa del color obscur del celo supra mi
Treviso, ni le exito incerte de mi battalia civil contra le parcamento
interrate in mi placia. Io face como si le data que se approxima non serea
assi vicin e, totevia, io crede que iste non voluntate de facer depende ab
le facto que le proxime 20, mercuridi, io debera recurrer novemente al curas
del chirurgos.
Iste vice illes me facera definitivemente novo, io spera!

Qual anno, iste anno! In le passate primavera nostre prime companion del
ultime anno de nostre classe nos lassava. Al initio de iste mense le sequeva
nostre prime amica. Illa amava le vita! Assi le prime duo de 31 que nos era
ha nos lassate e io diceva al alteres: recorda vos que io era sempre le
ultime inter vos? Vos vide! Io es sempre in le solite necessitate de sequer
vos. Io non sera jammais le prime.
Assi io spera que isto sia ver in le tempores del tempores!

Quando 11 del 29 de un tempore se trova novemente insimul, ben! il pote
tractar se de un triste circumstantia e, totevia, nos resta illes que nos
era. Il pare que nos attende de facer le passo pro continuar como nos era:
juvenes e sin problemas.

Iste celo supra Treviso iste matino me crea problemas.

A resentir nos, justo quanto il me sera possibile.

Un car ciao,

Mario