PATRE COMPRENDE NIHIL
(In: "Commedias del Vita Private", Luis Fernando Verissimo)
-- Un bikini nove?
-- Si, pa.
-- Tu ha comprate un le anno passate.
-- Illo non servi plus, pa. Io ha crescite.
-- Como, illo non servi? Le anno passate tu habeva 14 annos, iste
anno tu ha 15. Tu non cresceva tanto assi.
-- Illo non servi, pa.
-- OK, OK. Prende le moneta. Compra un bikini major.
-- Major non, pa. Minor.
Ille patre, tamben, comprendeva nihil.
***
PASSION
(Kledir Ramil)
Io ama tu voce e tu color
E tu modo de facer amor
Volvente le oculos e le tapete
Suspirante in falsetto
Cosas que io ni sape contar
Esser felice es toto que on vole
Ah! Iste maledicte serratura fulmine!
Subito nos rumpe le vestes
E un febre multo folle
Face le corpore horripilar
Post le tertie, quarte bicario
Quecunque venira io accepta
Quecunque venira veni ben
Quando io bibe io perde le judicio
Io me responsabiliza
Ni pro me, ni pro necuno
Io non vole restar in tu vita
Como un passion mal resolvite
De illes que on habe jelosia
E se satura de perfumo
Fingi que tenta occider se
Io restara usque le fin del die
Apprendente de memoria tu geographia
E ille aventura in carne e osso
Lassa marcas in le collo
Face nos levitar
Tu habe un io-non-sape-lo-que de paradiso
E le corpore plus precise
Que le plus belle del mortales
Tu habe un bellessa infinite
E le bucca plus precise
Que le mie jam ha toccate
***
IO NASCEVA DECE MILLE ANNOS RETRO
(Raul Seixas)
Un die in un strata del citate
Io videva un vetuletto sedite in le trottoir
Con un corbe de almosna e un gitarra in le mano
Le populo stoppava pro audir
Ille regratiava le numismas
E cantava iste musica
Que contava un historia
Que era plus o minus assi
> Io nasceva dece mille annos retro
> E il ha nihil in este mundo que io non sape de troppo
Io ha viste Christo esser crucificate
Io ha viste le amor nascer e esser assassinate
Io ha viste le magas ardente in flammas
Pro pagar lor peccatos
(Io ha viste)
Io ha viste [Moise's#Moses] transversar le Mar Rubie
Io ha viste [Maome'] cader in le terra super genus
Io ha viste Petro negar Christo per tres vices
Ante le speculo
(Io ha viste)
> Io nasceva...
Io ha viste le candelas se accender pro le Papa
Io ha viste Babylonia esser cancellate ab le mappa
Io ha viste Conte Dracula sugente sanguine nove
E se celante post le cappa
(Io ha viste)
Io ha viste le arca de Noe transversar le mares
Io ha viste [Saloma~o#Solomon] cantar su psalmos per le aeres
Io ha viste Zumbi fugir con le negros al floresta
Al Quilombo dos Palmares
(Io ha viste)
> Io nasceva...
Io ha viste le sanguine que descendeva ab le montania
Quando Hitler convocava tote Germania
Io ha viste le soldato qui soniava con su amata
In un lecto de campania
(Io ha lecte)
Io ha lecte le symbolos sacrate de Umbanda
Io ha essite infante pro poter dansar ciranda
E quando totes blasphemava contra le frigido
Io ha facite le lecto in le varanda
> Io nasceva...
Io era insimul con le simias in le caverna
Io ha bibite vino con le feminas in le taverna
E quando le petra ha cadite ab le precipitio
Io tamben ha rumpite mi gamba
(Io tamben)
Io ha essite teste del amor de [Rapunzel]
Io ha viste le stella de David brillar in le celo
E pro ille qui provar que io es mentiente
Io tira mi cappello.
***
POESIA
(Carlos Drummond de Andrade)
Io guastava un hora pensante in un verso
que le penna non vole scriber.
Non obstante illo es hic intra
inquiete, vive.
Illo es hic intra
e non vole exir.
Ma le poesia de iste momento
inunda mi vita tote.
***
AMAR!
(Florbela Espanca)
Io vole amar, amar perditemente!
Amar solo pro amar: Hic... ultra...
Plus Iste, Ille, le Altere e tote le gente.
Amar! Amar! E amar necuno!
Recordar? Oblidar? Indifferente!
Prender o disprender? Es mal? Es ben?
Qui dicera que on pote amar alcuno
Durante tote le vita, il es perque ille menti!
Il ha un Primavera in cata vita:
Il es necessarie cantar lo assi florite,
Nam si Deo nos dava voce, il era pro cantar!
E si un die io debera esser pulvere, cinere e nihil,
Que sia mi nocte un aurora,
Que sape io perder me... pro incontrar me...
***
WALZERETTO
(Vinicius de Moraes e Chico Buarque)
Un die ille arrivava tanto differente
de su modo de
sempre arrivar.
Ille la reguardava de un modo multo plus calide
que como ille sempre
costumava reguardar
E ille non malediceva le vita tanto como
il era su modo de
sempre parlar
E ni la lassava sol in un angulo,
pro su grande espavento,
ille la invitava pro rotar
Alora illa se faceva belle
como desde multe tempore
illa non voleva osar
Con su vestito [decotado#decollete',low-necked]
odorante a guardate
de tanto expectar
Depost le duo se dava le bracios
como desde multe tempore
illes non usava dar
E plen de teneressa e gratia
illes vadeva al placia
e comenciava de se imbraciar
E illac illes dansava tante dansa
que le vicinantia
tote eveliava
E il era tante felicitate
que tote le citate
se illuminava
E il era tanta basios folle,
tante critos rauc
como on non habeva audite plus
Que le mundo comprendeva
e le matino arrivava
in pace.
--
ENSJO : EMERSON JOSE' SILVEIRA DA COSTA
E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
Nova Marambaia
66625-280 Belem - Para - Brasil
Telephono: (091) 231-5740 // +55 91 231 5740
|
