Io mesme scribeva:

 Il es notabile que in le die. Le activitate human non es visible desde
 le spatio exterior.

Tunc Jay respondeva:
> 
> De facto le activitate de qualque humano es observabile
> si le clima coopera con le cameras de video super-sophisticate
> del Statos Unite. Io memora vider un photo del Papa in le
> Vaticano parlante a un multe grande gruppo de personas e
> le photo esseva prendite desde le spatio, per un camera
> de photos de (e)spionage.
> 

Ora io dice:
    Io non me refereva a isto. Io supponeva que pro un nave cosmic que passarea circa del Terra -a simple vista, sin cameras 'voyeur'- le occupantes de tal nave non notarea necun cosa special super le planeta blue, in un vista al volo. On sape que le unic structura artifficial visibile desde le spatio es le Grande Muralia Chinese. Naturalmente si illes proffundarea lor investigationes, per le radio e le sensores ultrasensibiles -como le que possede le 'Enterprise' :-) illes tosto viderea le phrenetic activitates del 'racia terricola'.

> In le filme titulate "Contact" con Jodi Foster le prime
> programma televisate esseva inviate de volta al terra
> como confirmation de reception... un commanda "copy".
> Le imagine de video regrettabilemente esseva del ludos
> olympic in Germania con Hitler presidentante le
> competitiones. Io concorda que il esserea un grande
> disgratia que le prime vista del societate human esserea
> le programmas televisate.

Isto esseva lo que io voleva representar con le burla super le serie del Simpsons. Un viagiator stellar viderea multo surprendite le series de tv. E obviemente illes prenderea un vision multo partial de nostre forma de vita...o non tante?


    Le SETI -le cerca de vita extraterrestre- continua a iste tempore. Le scientistas ascoltan le celo tractando de identificar alcun signal de ratio que poterea significar vita extrterrestre intelligente in altere parte del universo. Ma anque illes inviava messages codificate al spatio pro facer cognoscer nostre presentia. Ah! iste scientistas!! Esque illes non sape ancora que le proximitates de nostre vecinitate stellar jam il es inundate de nostre presentia? Esque illes non ha le suffice imagination pro pensar que in Alpha Centauri -le stella le plus proxime- le association de patres alphacentaurinos es multo preoccupate pro le scenas de violentia del television terrestre?
    Le inviar messages codificate al stellas es como lanciar un message in botilia al mar in iste epocha de communication instantanee. Si un hypothetic receptor del botilia lege le message ille pensarea "ah, que grande novitate! nos ja sapeva que vos existeva!"

Horacio Martinez
Interlingua in Argentina
www.interlang.com.ar