d[000613] x[Allan Kiviaho] KivA-06C
s[Latino e Europa]
[log in to unmask]
[log in to unmask]
[log in to unmask]
Honorabile Latinistas!
In le linguas europee le plus latin phonemas, vocales
e consonantes, son forsan in lituano, latviano,
finnese e estoniano. Le vocales son multo latin etiam
in polonese.
Proque finnese es un lingua de flexiones como latino,
il es multo facile de traducer latino a finnese. Le
grande feritate de latinistas finlandese es le
traduction del nostre epos national, KALEVALA, a
latino.
Un libro interessante es
Lindberg Bo
Europa och latinet
Vitterhetsakademiens skriftserie om Europa, Natur och kultur
Stockholm 1993.
Version finnese: ISBN 951-796-075-1
Le sequente texto es interessante.
POTEREA LATINO DEVENIR LE LINGUA DE EUROPA?
Ex: Lindberg Bo: Latino e Europa, p. 115-118.
Bo Lindberg es le professor de historia de ideas e
scientias al Universitate de Stockholm.
Traduction a interlingua, vide
http://www.startup.at/interlingua.fi
Ideal europee (*)
Poterea latino devenir le lingua de Europa? Bo Lindberg
Iste paginario pertine al material de propaganda
pro Intelingua del AFIL - Association Finlandese
pro Interlingua. Dunque propositiones pro melio-
rar le texto interlingualmente son benvenite.
Professor Bo Lindberg ha connexiones con le movimento
international de neolatinistas, que esserea un alliato
natural pro le movimento de Interlingua.
(*) Vide etiam:
Premio de Carolo Magne de citate Aachen - Aken - Aix-la-Chapelle -
capital de Europa.
Le ultime laureato de iste premio era Bill Clinton, le
presidente del Statos Unite qui obteneva le premio ante
un septimana durante su visita a Europa e Russia. E le
prime laureato era le comte Richard Coudenhove-Kalergi,
le patre del Union Paneuropee.
--------------------------
Latino - finnese - svedese
--------------------------
Professor Lindberg compara latino e finnese que son
linguas flexionic con svedese que es un lingua non-
flexionic.
Latino : eo rus 2 parolas
Finnese : lähden maalle 2 "
Svedese : jag far ut på landet 5 "
Interlingua: io vade al campania 4 "
Latino : suum cuique (*) 2 parolas
Finnese : kullekin omansa 2 "
Svedese : var och en skall ha det som är hans 9 "
Interlingua: a cata uno le sue 5 "
(*) Uno del pilares fundamental del Justitia Roman
"Moribus antiquis res stat Romana virisque!"
Allan
P.S.
Le rege, la* regina e la* princessas svedese visita
Finlandia con popularitate enorme. Le ration del
visita es que heri Helsinki/Helsingfors arrivava al
etate de 450 annos.
(*) Pro me un regina e princessa son LA's, non LE's.
Le fundator de Helsinki era Gustaf Vasa, un rege de
Svedia. Le dynastia regal de Svedia hodierne non es
le Vasas sed le Bernadottes, ancestores del marechal
de France sub Napoleon I Bonaparte, Jean Baptiste
Jules Bernadotte (1764--1844), desde 1818 como Karl
Johan XIV le rege de Svedia e Norvegia.
Un persona importante pro Helsinki era etiam le
imperator de Russia, Alexander I qui faceva Helsinki
como capital de Finlandia. Le imperator Alexander II
era multo amate in Finlandia. Su statua sta in le plus
honorabile loco de Finlandia, al Placia del Senato.
Durante le guerras 1939--44 le finlandeses era multo
occupate de proteger iste statua contra le bombatores
russe (sic!). Le statua suffereva solmente un pauc
de bombas russe.
Un altere statua sub protection meticulose era le
"Petra del Imperatritza" al Placia Mercantil, dedicate
al tzarevna de Russia, Dagmar Fyodorovna, un
++ princessa danese, qui era multissimo adorate in
Finlandia.
Io crede que il ha solmente duo statuas de imperator
Alexander II in le mundo, uno in Helsinki e un altere
in Sofia, Bulgaria, sed nulle in Russia. In Sofia
Alexander II, "Tzar Osvoboditel" (Tzar Liberator) ha
un statua equestre imposante. Al fundo del statua on
vide general finlandese Casimir Ehrnrooth, governator
general de Bulgaria post le liberation de Bulgaria in
1878.
Un cognato de Casimir Ehrnrooth, general Adolf
Ehrnrooth, un hero national finlandese pro
excellentia, le ultime ancora vivente grande
commandante de nostre guerras 1939--45, es maritate
con un
++ comtessa danese, un dama de honor del regina de
Danmark.
Le rege e regina de Svedia reguardava un procession
historic ubi Michael Agricola diceva in latino in
le Universitate de Åbo/Turku.
In Helsinki il ha un circulante tram touristic, ubi
le information es date in svedese, germano, anglese
e - latino.
Vivat la Lingua Latina!
Vivat Finlandia Latin!
Allan II
|
