Jose e totes,

Le prefixo "INTERNLG" in le lineas de subjecto es un cosa que cata abonato
pote activar e disactivar pro se mesme. Il ha duo manieras de configurar
iste option (e multe alteres).

Le prime maniera es via un message electronic al servitor de listas,
LISTSERV. Compone un message al adresse <[log in to unmask]>
con un linea de subjecto qualcunque, e le sequente linea copiate
exactemente in le message:

SET INTERLNG SUBJECTHDR

Invia iste message e tu recipera le messages con le prefixo in le futuro.

Le secunde maniera, minus efficiente mais plus apte pro le technophobos, es
vader al pagina http://maelstrom.stjohns.edu/archives/interlng.html e
cliccar super le ligamine "Abona te o disabona te del lista (o cambia
configurationes)".

In le pagina que seque, clicca super le ligamine "login with your LISTSERV
password" (entra usante tu contrasigno de LISTSERV). Le systema te
permittera crear un contrasigno si tu non ha ancora un tal; seque le
instructiones. Le contrasigno es necessari pro poter cambiar
configurationes via le interfacie web.

Quando tu te ha registrate con tu contrasigno, le systema es plus o minus
autoexplicatori (si tu pote leger anglese). Il vale le pena examinar
equalmente le altere optiones configurabile.

- Martijn