Car Kjell R., tu scribe: "Si on se effortia un poco on pote facilmente
equivocar se." e io pensa que tote isto debe haber, como prime objectivo,
illo de economisar le famose caffe e tortettas :-) !
Non sera tu genuese (de Genova) como Colombo, o scotiese?
E si le caffe e le tortettas te los offererea io?
Nos deberea incontrar nos!
Io festeara 60 annos le 4 de junio proxime e festeara le mitter me in
pension le successive 30 de junio.
Io potera donar me un vacantia in Svedia!
Isto si le trenos (!) non deraila in Germania e si le austriacos me
permittera ancora de passar :-)) ! O io potera prender le avion.
In le edition electronic de Panorama io legeva del proxime curso intensive
de interlingua al 26-28 de julio e del 7-me Incontro Nordic.
Io debera contactar le secretario del SSI.
Tu Kjell sera a iste conferentia o debera io arrivar usque a Uppsala, le
qual cosa non me displacerea. Como es le caffe a Uppsala? Esque illo rege
le comparation con le caffe italian? Le tortettas sera meraviliose, io pensa.
Con le trenos super rapide german in le 1997 io al maximo perveniva a
Wolfsburg, quando io habeva le fortuna de un invitation a visitar le grande
fabrica del Volkswagen.
Io opera in le mundo del automobile ab le 1974. In le sector io localmente
es (ora era!) un poco un specialista in le organisation del concessionarios.
Re Uppsala, re le formation del patrimonio del corona de Uppsalir, per
Freyr, nominate anque Yngvi, e re altere factos ancora, io lege le Ynglinga
saga (per Snorri Sturluson 1179-1241) obviemente in italian per le
philologa e scientista de litteratura scandinave Gianna Chiesa Isnardi,
titulo italian "Legendas e mythos Vichingos", edition anno 1997.
Ma io debe leger lo a pusille paginas, perque io ama facer comparationes
con quanto io jam sape, alteremente io non me diverte.
Re le architectura de Uppsala io sape jam toto e cognosce le planta del
citate. Io ama viagiar con le libros e le phantasia.
In Veneto nos ha tradition secular de mangiar gado siccate e gado salate, o
stockfish, in italiano baccala' o stoccafisso.
Nos es vermente grande consumitores de gado nordic e anque de haringos e
haringos fumate (ab Norvegia). Quando io era puero le stockfish se
consumava omne septimana. Ora on debe restar minus tempore in cocina!
In Italia omne localitate ha su uso de cocinar le gado nordic; illo ha le
diffusion del pizza e del spaghetti.
Isto testimonia que le relationes commercial de Venetia e, in general de
Italia, con le Scandinavia, non es facto recente: illos ascende al minus al
medievo, relativemente al gado.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com

Lista de Roma:
http://www.agora.it/M.Malaguti
Invia tu messages al lista de Roma:
mailto:[log in to unmask]