Stan,

>Io es sincermente de opinion que tu remarcas in re le licentia
>doctoral es un specie de arrogantia. Multe personas ha capabilitates
>e intelligentia   *totalmente* equal ad illes qui ha un tal licentia,
>ma illes non habeva le opportunitate o le necessitate de ganiar un
>tal. Nonobstante, iste  polemica es extra le scopo de INTERLNG;
>ergo, io non facera commentos  additional.

Paul,
   Mi experientia con te depois iste 15 annos es que tu percipe
tote academicos como 'arrogante'... specialmente si illes ha 
opiniones differente que le vostre.  Tu rejice le rationamento de
Gode in disveloppar interlingua como un cosa del antiquitate:
Lo que nos debe ora usar es accordo del communitate parve in lo que
es correcte usage de interlingua. Tu vole devenir plus como le esperantistas 
qui dice que illes non jammais cambia qualcunque cosa.

E ha illes succedite in lor mission de facer tote le mundo usa
esperanto como un lingua auxiliar?  Io vide parlantes del anglese 
in le video de tote partes del mundo cata nocte in CNN o le BBC.
Le anglese obviemente es le lingua auxiliar international plus que
esperanto. Qualcunque successo que le esperantistas ha es plus lor
social programmas que le immutabilitate del lingua mesme.

 De plus tu ancora monstra un misperception de mi position.  

Io non dice que representar se como un Ph.D. 
automaticamente face alcuno experte foras le
campo in que le Ph.D. esseva date. 

   Lo que io diceva es que il es possibile devenir un 
experto sin haber un Ph.D. in le campo in question.  
Isto es essentialmente tu proprie position, mais tu
non lo recognosce. 

Mais le information que alcuno ha un Ph.D. debe signalar,
specialmente in le Statos Unite, que tu ha essite formate in un
disciplina que require le objectivitate, le studio del literatura, le
comparation de evidentia pro e contra un idea, e le cerca pro un
coherente comprension de un subjecto. Isto es le maniera in que io ha
apprendite multe nove subjectos foras le campo del psychologia clinic.
Assi io pensa que isto me licentia de haber opiniones basate super
evidentia tractate logicamente e objectivemente, meritante
consideration. Ultra isto tu debe reguardar le evidentia que io
presenta e le fontes in que io ha obtenite mi informationes, 
pro formar un opinion super lor veritate.

Assi, vide como mi presentia in iste gruppos de discussion,
semper cresce le participation.  Interlng habeva un manata
de participantes de tempore in tempore iste menses passate,
mais quando io responde a alque que alcuno dice, le participation
cresce, con expressiones de appoio e disaccordo con lo que io
dice.  Tu debe valuta mi presentia aqui. :-)

Stan Mulaik


--
Pro leger le archivos e pro modificar o cancellar le subscription:
http://listserv.icors.org/archives/interlng.html