Regrettabilemente io ha delite le message que informava re studentes in Jonkoping. In un articulo in le jornal svedese Svenska Dagbladet  http://www.svd.se/dynamiskt/inrikes/did_14765263.asp
on pote leger isto:

Il ha 6000 studentes in le schola superior de Jonkoping. (non ancora universitate ma on expecta esser nominate assi tosto)
Illo consiste de 4 scholas professional superior
Uno es le schola de commercio superior international que ha 2000 studentes e es multo reputate.
Studentes ibi pote studiar usque a un anno e medie in alcun de 210 scholas superior in 65 paises que collabora con le schola in Jonkoping. 90 % del studentes se servi de iste possibilitate que es gratuite.
Le schola in Jonkoping accepta 700 studentes del estraniero cata anno. 

Naturalmente il esserea bon si alcuno contactara professor Thomas Andersson ma io time que ille, como multe altere professores svedese, es convincite que hodie anglese es sol lingua apte pro studios international. Io time que le lingua svedese tosto essera abandonate al minus in  dissertationes svedese e multe cursos jam es in anglese. 
  Le rector del Universitate Technic de Stockholm (KTH) opina que le lingua svedese es impossibile pro studios in le futuro e ille mesmo prophetisa le possibilitate que intra 50 annos un svedese recipera le premio Nobel in litteratura pro obras scribite in anglese.
Que nos spera que ille ha torto!

Erik Enfors 
Vallåkergat.25 
SE-432 37 VARBERG 
Svedia
Tel: +46 (0)340-875 45
(Mobil: +46 (0)730  65 60 21) 
Skype: untorrente
e-post: [log in to unmask]




--
Archivos e disabonar: http://listserv.icors.org/archives/INTERLNG.html