Kjell, tu message super le pastor in tu pais qui predica contra le
homosexualitate ha rememorate me que recentemente io ha legite in
le web un analyse del Biblia pro melior comprender le si-nominate
interdictiones contra le 'homosexualitate' in Leviticus e in le
scripturas de Sancte Paulo.  Le conclusion esseva que con respecto
al feminas, il non ha alcun interdiction o mention de un interdiction
contra un femina qui jace con un altere femina. Le interdiction es
solmente contra le homines, e illo esseva proque de un certe concepto
del judeos, que le homine 'pur' debe esser superior in su relationes
sexual, durante que le femina es inferior.  Pro un homine a prender
le position del femina es a dishonorar se in prender un position
inferior.  Mais pro un femina a facer le mesme, isto es solmente
natural.  Ha alcuno le referentia in le Biblia ubi on dice que il
es prohibite como un peccato a un femina a haber relationes sexual
con un altere femina?

Con respecto a Sancto Paulo, le usual referentias a su scripturas es a
passages in que ille indica que le Deo ha punite le romanos e alteros
pro lor idolatria in adorar idolos, per facer les dishonorar se con
relationes sexual innatural.  Paulo non dice que iste comportamento
es un peccato. Le peccato es a adorar le idolos.

Mais tote le mundo  interpreta  le Biblia  pro su proprie fines.

Historicamente, le homosexualitate non esseva  un concepto fin a le
seculo 19me.  Vero, illo semper ha existite que homines habeva relationes
sexual con altere homines, mais isto  esseva reguardate como un variante
de sexualitate human, e non un condition o  stilo de vita distincte.

Contra le fundamentalismo e su idolatria in adorar un interpretation
literal de un libro e non Deo.


Stan Mulaik