Artorius ha scripte:
> Como dicer in Interlingua tal {anglese verbos => parolas anglese}:
>"so far"?

"usque (a) ora", "usque (a) iste momento".

>"even", como in "I don't even know him!"? Io sape le verbo "etiam", ma 
esque
>un variante non-Latin sed Romanic exist{a=>e}? "Anque"?

"Io non mesmo le cognosce!"

"Anque" es basate super it "anche".
"Mesmo" es basate super pt "mesmo", es "mismo", fr "mêm", it "medesimo".

>"just", como in "I just saw the face I can forget... (The Beatles)" et 
anque
>"I just don't know that to think!" "Justo"?

Quando "just" se refere a un tempore in le passato quasi immediate, usa le 
expression "justo ora", o "ora mesmo".

"Justo ora io ha vidite le facie que io non pote oblidar."
"Ora mesmo io ha vidite le facie que io non pote oblidar."

(Forsan iste uso de "just" in anglese es un reduction de un phrase 
anterior "just now"?)

O, usa le construction verbal "venir de (+inf.)".

"Io veni de vider le facie que io non pote oblidar."

In le secundo caso, "just" es synonyme de "simply". Assi tu pote 
substituer lo tranquillemente per "simplemente":

"Io simplemente non sape (lo) que pensar!"

Justemente,
Ensjo.