Il me pare que quando le svedese remarca super le inusual nivellos del
nive, que illo debe esser un disastro major.

Aqui in Atlanta nos rarmente recipe le nive. Le temperatura pote descender
a -25 C, mais quando aquesto occurre, sovente le aer es sic. Nonobstante io
rememora un hiberno quando nos habeva un septimana de aer circa -15 a -25 C.
Il esseva venerdi, e io partiva del officio ante le tempore usual pro evitar
le traffico. On ascoltava a reportos in le radio que un tempesta portante
possibilemente un pauc nive veniva verso le citate. Io vadeva a un magazin
pro comprar alcun batterias pro mi lampas de tasca - un precaution si le
energia es disrupte. Quando io partiva del magazin, il commenciava a facer
le nive. Non multo mais continuente. Mi casa non esseva distante, e io
arrivava OK. Il esseva 4.45 horas. In justo 30 minutas, nonobstante, il
habeva circa 2.5 cm de nive. E le circulation del traffico veniva
abruptemente a un halto. Ridiculose, vos dice, mais jam in effecto le
circulation esseva a un halto in tote le citate! A tote strata! Le parve
amonta del nive gelava a glacie sub le pression de un pneumatico de auto a
causa del terra frigide. E le rotas de autos simplemente girava sin
friction. Io parla de un citate de 35 milas in diametero. Tote le
circulation esseva congeste e a un halto. Multe automobilistas abandonava
lor autos pro ambular a lor casas. Alcunos remaneva a lor officios pro le
nocte. Mi sposa partiva de su officio solmente post 21.30 horas quando
conditiones meliorava. Su problema esseva que le automobiles esseva haltate
in le stratas de su universitate. Illa non poteva mesmo partir de su
universitate in contrasto a conducer se in le stratas generalmente. Io
esseva fortunate que illa esseva capace de conducer su auto a casa.
Alteremente io esserea anxie super illa. Mais le die proxime quando io
conduceva mi auto io vide multe automobiles ancora abandonate in le parve
nive.

Generalmente Atlanta ha necun preparationes pro le nive, ni le glacie.
Il ha necun machinas pro remover le nive, solmente alcun camiones pro
portar le arena e sal, que es sovente usate durante le resto del anno
pro altere objectivos. Quando nos recipe le nive, mesmo alcun parve
amontas del nive, le citate suspende su operationes. Tote le mundo
remane in lor casas.  A vices nos ha tempestas de glacie, que es
seriose, como los in Nove Anglaterra que frappava Jay.  Nos ha multe
arbores, e le pinos de illos sovente es rumpite per le glacie
pendulose. Le lineas de energia es rupturate.  On pote indurar plure
dies sin energia.  Il non es possibile a conducer vostre automobile
in tal conditiones, proque le citate non semper es capace de jectar
le sal super le stratas usque un die o plus.

Le obreros del compania de energia vade in grande camiones a reparar le
lineas. Illes sovente es equipate pro vader super glacie e per le nive.

Mais le conto de un disastro de nive in Svedia debe esser un disastro,
si le svedese lo pensa.

Stan Mulaik