Salute!
Levante le capite del dictionarios 
etymologic ego constata que hodie 
es le die quando Google lancia 
seriosemente su berillos google, 
que es un smartphone in un quadro 
de berillos e un schermo que se 
trova sur le vitros/lentes del 
berillos. Le apparato es dirigite 
per le voce, e vos pote per 
consequente dicer a illo: "face un 
pictura" o "filma isto!", "controla 
mi posta!", "Dice ubi ego es!" 
Ergo, on pote haber mappas. Si il 
non habeva le roaming, iste 
apparato esserea ideal pro viages 
al estraniero, ma ora isto non es 
possibile pro causas economic. Il 
es interessante que le medios 
moderne, inspirate del Statos Unite 
usa mega-primitive manieras de 
pagar. On face moneta sin travaliar 
troppo. E le victimas es le usatores.

Ma si tu es in tu proprie pais le 
berillos Google pote esser un 
excellente medio  que adjuta te 
orientar te, pote mesmo traducer un 
menu, – pro le roaming isto non es 
tanto usabile, quia costa troppo – 
vos memora, le roaming!  :-(  Nos 
debe sperar al futuro, ma jam le 
comenciamento es fantastic.

Tu promena in un nove citate e tu 
telefono – no, tu berillos! – te 
indica le via que tu debe sequer! 
Fantastic!

Si le decision del commission del 
Union Europee re modic precios pro 
roaming essera realisate al fin del 
anno 2015, le oculos Google essera 
un bon accompanante durante vostre 
viages in le Union.

Amicalmente

Kjell R


--
Pro leger le archivos e pro modificar o cancellar le subscription:
http://listserv.icors.org/archives/interlng.html